Elde tutynylatyn energııanyń 40%-dan astamy TÚKSh salasyna tıesili
«Energııa tutyný kórsetkishterin ekonomıkanyń sektorlaryna jiktesek, búkil kórsetkishtiń 47%-y ónerkásip salasyna keledi. Al 43 paıyzy TÚKSh salasyna tıesili ekenin moıyndaýymyz kerek. Bul ózi jańa baǵyt, biz úshin jańa syn-qater deýge bolady. Sondyqtan qazir tyǵyz aınalysyp jatyrmyz», - dedi vıtse-mınıstr «Qazaqstanda energııa tıimdilikti arttyrý» jobasy qorytyndylaǵan saltanatty sharada.
Sondaı-aq, ol eldiń jalpy ishki ónimindegi energııa shyǵynynyń úlesin azaıtýǵa baǵyttalǵan zań jobasy Parlament Májilisinen ótip, Senatqa joldanǵanyn eske saldy.
«Bul zań jobasy túbegeıli jańa sharalar men uǵymdardy qamtıdy. Mysaly, elde tutynylatyn energııanyń úshten biri 928 iri kásiporynǵa tıesili. Onyń kóbi – ónerkásip kásiporyndary. Zań jobasynda jeke sektordaǵy nysandardyń bárinde energııa tıimdilikke jaýapty mamannyń shtatyn bólý kózdelgen.
Al Indýstrııa jáne ınfraqurylymdyq damý mınıstrliginiń jeke quzireti bolady. Sol quzyret aıasynda energııany eń kóp tutynatyn 100 kásiporyndy anyqtap, tıimdilikti arttyrý boıynsha mindetter qoıatyn bolamyz», - dedi Marat Qarabaev.
Osy sharaǵa qatysqan QR Parlamenti Májilisiniń depýtaty Eldos Abaqanov elordadaǵy «Býdepesht», «Family Village» sııaqty avtonomdy ınfraqurylymǵa jalǵanǵan nysandardyń problemasyn depýtattyq saýal retinde joldap, mınıstrlik deńgeıinde kóterýge daıyn ekenin aıtty.
