Elde týrıstik bızneske 150 mlrd teńge bólindi: kimder qarjy ala alady
ASTANA. KAZINFORM — Týrıstik bızneske jeti memlekettik qoldaý tetigi engizilip, 150 mlrd teńge bólindi.
Qazaqstanda týrıstik kásipkerlikti damytý úshin memlekettik qoldaýdyń jeti tetigi iske asyrylyp jatyr. 2022 jyldan beri qoldanylyp kele jatqan sharalar týrıstik nysandardy salý men jańǵyrtýǵa, kólik jáne jabdyq satyp alýǵa, jol boıyndaǵy servısti damytýǵa jumsalǵan shyǵyndardyń bir bóligin óteýdi kózdeıdi.
Sondaı-aq kásipkerlerge sanıtarııalyq-gıgıenalyq toraptardy kútip-ustaý shyǵyndaryn óteý qarastyrylǵan. Bul sharalar týrıstik ınfraqurylymdy jaqsartýǵa jáne qyzmet kórsetý sapasyn arttyrýǵa baǵyttalǵan.
Budan bólek, 2024 jyldan bastap Qazaqstannyń Damý banki arqyly týrıstik jobalardy jeńildetilgen qarjylandyrý baǵdarlamasy iske asyrylýda. Onyń aıasynda jyldyq 7% mólsherlememen nesıe berý úshin 150 mlrd teńge qarastyrylǵan.
Baǵdarlama iri týrıstik keshender men ınfraqurylymdyq jobalardy júzege asyrýǵa múmkindik beredi.
Osyǵan deıin medıtsınalyq týrızmge qatysty materıal jarııalaǵan edik. Oǵan sáıkes elimizde 4,5 myń sheteldik azamat em aldy.
