Elde turǵyn úı jáne energetıkaǵa qatysty zańnamalyq ózgerister ázirlenip jatyr
ASTANA. KAZINFORM — Qazaqstanda «Energetıkalyq jáne kommýnaldyq sektorlardy jańǵyrtý» ulttyq júzege asyrý úshin zańnamany jetildirýge nazar aýdarylyp otyr. Bul týraly Ulttyq ekonomıka vıtse-mınıstri Asan Darbaev aıtty.
Onyń aıtýynsha, 2025 jyly 25 normatıvtik quqyqtyq aktini qamtıtyn túzetýlerdiń alǵashqy toptamasy qabyldanǵan.
— Bıýdjet kodeksine, sondaı-aq tabıǵı monopolııalar, energııa únemdeý, elektr energetıkasy, jylý energetıkasy, turǵyn úı qatynastary, sáýlet, qala qurylysy jáne qurylys qyzmeti salalaryndaǵy zańdarǵa ózgerister engizildi, — dedi A. Darbaev atalǵan ulttyq jobany júzege asyrý jónindegi qoǵamdyq keńestiń otyrysynda.
Qazirgi ýaqytta túzetýlerdiń ekinshi toptamasy ázirlenip jatyr. Onyń negizgi baǵyty — esepke alý qurylǵylary: bul menshik quqyǵy, qyzmet etý merzimi, qoljetimdilik, derekterdi tehnıkalyq operatorǵa berý mindettemesi jáne osy derekterge qoıylatyn biryńǵaı talaptar sııaqty máseleni qamtıdy.
— Ózgerister tabıǵı monopolııalar, elektr energetıkasy, gaz jáne gazben jabdyqtaý, jylý energetıkasy, turǵyn úı qatynastary salalaryndaǵy zańnamalarǵa, sondaı-aq Ákimshilik quqyq buzýshylyq týraly kodekske qatysty bolady, — dedi vıtse-mınıstr.
Buǵan deıin habarlanǵandaı, Asan Darbaev jobalardy qarjylandyrýǵa qatysty túsinik berdi.