Elde transplantatsııa jasalatyn organǵa arnalǵan apparat synaqtan ótip jatyr
ASTANA. KAZINFORM – Elimizde donorlyq organdardy bir óńirden ekinshi óńirge qaýipsiz ári jyldam jetkizýge múmkindik beretin apparat ázirlenip jatyr. «University Medical Center» korporatıvtik qorynyń basqarma tóraǵasy, medıtsına ǵylymynyń doktory ıÝrıı Pıa málim etti.

- «Álem» apparatyn ázirleý ıdeıasy ushaqtyń aýa raıynyń qolaısyzdyǵyna baılanysty qona almaýynan týyndaǵan problema kezinde oıǵa keldi. Ushaq eń jaqyn áýejaıǵa baǵyt aldy, biraq ol jaqta da qoný múmkin bolmady, sońynda qaıta Almatyǵa oraldy. Sol kezde bizge jańa júıe qajet ekenin túsindik, óıtkeni Qazaqstannyń aýmaǵy keń, qalalardyń arasy óte alshaq. Al qıyn sátte donorlyq aǵzany 4 saǵattyń ishinde jetkizý kerek, bul múmkin emes, - dedi ıÝrıı Pıa «Qazaqstandaǵy 100-shi júrek transplantatsııasy» forýmy barysynda BAQ ókilderine suhbat bere turyp.
Mamannyń aıtýynsha, donorlyq organdardy tasýǵa arnalǵan «Álem» apparaty 5 jyl boıy zertteldi jáne búginde janýarlarǵa synaqtan ótkizý kezeńi aıaqtalýǵa jaqyn.
- Qazir quraldy klınıkalyq qoldaný úshin ruqsat alyp jatyrmyz. Bıyl sáýirden keıin apparatty qoldana bastaımyz dep úmittenemin. Taǵy bir mańyzdy jaıt, bul apparatty Qazaqstan aýmaǵynda óndirýdi qalaımyz. Qazir apparatty jasaýǵa ruqsat aldyq jáne Astanada osy apparatty shyǵaratyn zaýyt salý josparda bar, - deıdi ıÝrıı Pıa.
Aıta ketsek, elimizde orta eseppen alǵanda 1 mıllıon adamǵa keminde 10 transplantatsııa qajet. Osy oraıda medıtsına ǵylymynyń doktory ıÝrıı Pıa transplantatsııa tek medıtsına máselesi emes, qoǵamnyń ortaq problemasy ekenin málim etti.
Aıta ketsek, búgin elordada «Qazaqstandaǵy 100-shi júrek transplantatsııasy» forýmy ótti. Atalǵan is-shara elimizde júzinshi ret júrek aýystyrý otasyna oraı uıymdastyryldy, oǵan Densaýlyq saqtaý mınıstri Aqmaral Álnazarova bastaǵan sala mamandary men óńirlik vedomstvolardyń ókilderi qatysty.
Forým sońynda aǵza transplantatsııasy salasyna eńbegi sińgen jáne erekshe kózge túsken jandar marapattaldy.
Eske sala keteıik, elimizde transplantatsııa jasalatyn organ arnaıy qurylǵyda saqtalatyny týraly byltyr jazǵan edik.