Elde tehnıkalyq jáne kásiptik bilim berý salasynda stýdentter sany artty

ASTANA. KAZINFORM –  Onda 562 myń adam bilim alyp jatyr, onyń ishinde 266 myń adam nemese 47,3% – áıelder. 2024-2025 oqý jylymen salystyrǵanda oqýshylar sany 1% ósken.

Ulttyq statıstıka bıýrosynyń málimetinshe 2025-2065 oqý jylynyń basynda elde 706 derbes tehnıkalyq jáne kásiptik bilim berý uıymy jáne 35 fılıal jumys istedi.

Bilim alýshylardyń jalpy sanynyń 73,4% negizgi orta bilim negizinde (9-synyptan keıin), 22,9% jalpy orta bilim negizinde, 3,7% TjKB-dan keıin oqýǵa túskender.

Memlekettik bilim berý tapsyrysy boıynsha 397 myń adam oqıdy, bul oqýshylardyń jalpy sanynyń 70,6%, taǵy 165,1 myń adam nemese bilim alýshylardyń 29,4% aqyly túrde oqıdy.

Ótken oqý jylyndaǵy túlekter sany 169,3 myń adam boldy, onyń ishinde 102,3 myń adam (60,4%) jumysqa ornalastyryldy jáne 28,4 myń adam (16,8%) joǵary oqý oryndary men kolledjderde oqýyn jalǵastyrdy.

Tehnıkalyq jáne kásiptik bilim berý uıymdarynda 38 684 oqytýshy jáne 5 170 óndiristik oqytý sheberi jumys isteıdi, áıelderdiń úles salmaǵy tıisinshe 70,3% jáne 47,8%-dan.

Aıta ketelik elde jasy úlken stýdentterdiń sany eki esege artqany týraly jazǵan edik.