Elde súzbeniń ortasha baǵasy qansha
ASTANA. KAZINFORM – Qazaqstanda irimshik pen súzbe óndirisi 28% artty.
2026 jylǵy qańtar-mamyr aılarynyń qorytyndysy boıynsha Qazaqstanda 25,7 myń tonna irimshik pen súzbe óndirildi. Bul ótken jyldyń sáıkes kezeńimen salystyrǵanda 28% artyq. Óndiris kólemi 5,6 myń tonnaǵa ósti.
2026 jylǵy qańtar-mamyr aralyǵynda qazaqstandyq óndirýshiler shetel naryǵyna shamamen 0,9 myń tonna irimshik pen súzbe eksporttady.
Otandyq ónim Reseıde, Qyrǵyzstanda jáne Armenııada turaqty suranysqa ıe. Sonymen qatar ótkizý naryǵynyń geografııasy keńeıip keledi: Ózbekstan men Mońǵolııaǵa jetkizilim kólemi aıtarlyqtaı artty, sondaı-aq Ázerbaıjan men Koreıa Respýblıkasynyń naryqtaryna alǵashqy eksporttyq jetkizilimder júzege asyryldy.
Otandyq óndiris kóleminiń artýyna baılanysty 2025 jyldyń sáıkes kezeńimen salystyrǵanda irimshik pen súzbe ımporty 9,2% tómendedi.
Іshki naryqta suranystyń turaqty ósimi baıqalady. 2026 jylǵy bes aıdyń qorytyndysy boıynsha irimshik pen súzbeni ótkizý kólemi 41,4 myń tonnany qurap, ótken jyldyń sáıkes kezeńimen salystyrǵanda 11,2%-ǵa ósti.
2026 jylǵy maýsymdaǵy jaǵdaı boıynsha Qazaqstanda súzbeniń ortasha bólshek saýda baǵasy bir kılogramyna 2 457 teńge. Eń tómengi ortasha baǵa Petropavl qalasynda tirkeldi – bir kılogramy 1 661 teńge, al eń joǵary baǵa Jezqazǵan qalasynda –bir kılogramy orta eseppen 3 060 teńge boldy.
Aıta ketelik elde sary maı men kúnbaǵys maıy óndirisiniń kólemi artty.
