Elde shujyq baǵasy qansha
ASTANA. KAZINFORM – Elimizde shujyq baǵasy onyń túrine, jasalý ádisine, óndirýshisi men salmaǵyna qaraı ártúrli bolyp tur. Kazinform agenttiginiń tilshisi qalalardaǵy shujyq baǵasyn salystyrdy.
Elimiz boıynsha pisirilgen shujyq baǵasy Astana qalasynda arzan. Kelisi 1 220 teńgeden bastalady.
Túrkistan qalasynda kelisi – 1 400 teńge, Tarazda – 1 560 teńge, Almatyda – 1 595 teńge, al Qaraǵandy men Taldyqorǵanda – 1 600 teńge.
Aqtóbe, Qostanaı men Jezqazǵan qalalarynda pisirilgen shujyqtyń kelisi shamamen 1 865, 1 900 jáne 2 000 teńge. Kókshetaý qalasynda shujyq kelisi – 2 737–4 375 teńge, al Petropavlda — 2 362–3 400 teńge.
Ystalǵan jáne jartylaı ystalǵan shujyq baǵasy qansha?
Elimizde ystalǵan jáne jartylaı ystalǵan shujyq baǵasy Túrkistan qalasynda tómen. Kelisi – 1 500–2 200 teńge aralyǵynda. Taldyqorǵanda kelisi – 2 100–6 200 teńge, Kókshetaýda – 2 300–8 486 teńge, Qaraǵandyda – 3 000–8 000 teńge.
Jezqazǵan, Qostanaı men Shymkentte shujyqtyń kelisi 3 500 teńgeden (bul qalalarda qymbaty 9 000, 8 400 jáne 6 000 teńgege deıin jetedi) bastalady. Astana qalasynda kelisi – 3 445–5 420 teńge, Almatyda 3 986–5 540 teńge aralyǵynda.
Petropavl qalasynda shujyq kelisi 3 800 teńgeden bastalyp, 12 000 teńgege deıin jetti. Oral qalasynda ystalǵan shujyq baǵasy shamamen 3 940 teńge, al Qyzylordada kelisi 8 500 teńge bolyp tur.
Shıkileı ystalǵan jáne pisirilip ystalǵan ónim
Shıkileı ystylǵan shujyq baǵasy Qostanaı qalasynda 5 200–10 500 teńge bolsa, Shymkentte kelisi – 6 000–12 000 teńge.
Pisirilip ystalǵan ónim baǵasy Shymkentte 4 000–7 000 teńge aralyǵynda. Kóbi shujyqty kelilep satady. Sonymen birge bir danasynyń da óz salmaǵy men baǵasy bolady. Máselen 500 gr shujyq baǵasy 1 900 teńge, ıaǵnı kelisi 3 800 teńge bolyp tur. Al 550 gramdyq shujyq baǵasy 2 810 teńge bolsa, kelisi shamamen 5 109 teńgege shyǵady.
Baǵany salystyrý kezinde qoldyń ónimi men dúkendegi shujyq quny da eskerildi. Qazirgi kezde óndirýshiler de tikeleı ózderi satylymǵa shyǵarady. Al Almaty men Astana qalalaryndaǵy baǵa ınternet-dúkenderinen alynyp, sholý jasaldy.
Taǵy bir eskere keterlik jaıt, shujyq baǵasy óńirler arasynda ǵana emes, bir qalanyń ózinde de ártúrli. Oǵan ónimniń túri, quramy, óndirýshi men satý formaty, tipti qaptamasy men qalpy áser etedi.
Sholý kezinde pisirilgen shujyq baǵasy Astana qalasynda tómen ekeni belgili boldy. Kelisi – 1 220 teńge. Al eń joǵary baǵa Shymkent qalasynda. Kelisi – 8 500 teńge.
Ystylǵan shujyqtyń arzany Túrkistan qalasynda satylady. Kelisi – 1 500 teńge. Eń joǵary baǵa 12 000 teńgege deıin (Petropavl qalasynda) jetedi.
Aıta keteıik, bul naqty taýar túriniń baǵa aıyrmasy emes. Sonymen birge Qazaqstan qalalaryndaǵy shujyqtyń ortasha reıtıngi dep te qarastyrýǵa bolmaıdy.
Buǵan deıin Qazaqstan qalalaryndaǵy qyryqqabatty tuzdap ashytý týraly jazyldy.
