Elde ishek ınfektsııasymen syrqattaný 2,2%-ǵa tómendedi
ASTANA. KAZINFORM — Qazaqstanda jyl basynan beri 7,4 myńnan astam ishek ınfektsııasy tirkeldi, dep habarlaıdy Densaýlyq saqtaý mınıstrliginiń baspasóz qyzmeti baspasóz qyzmeti.
2026 jyldyń jeti aıynda Qazaqstanda jiti ishek ınfektsııasynyń (JІI) 7 459 jaǵdaıy tirkeldi. 2025 jyldyń sáıkes kezeńimen salystyrǵanda svrqattanýshylyq 2,2%-ǵa tómendedi.
— Jiti ishek ınfektsııalary jaz mezgilinde ınfektsııalyq aýrýlardyń ózekti toptarynyń biri bolyp qala beredi. Aýa temperatýrasynyń joǵary bolýy azyq-túlik ónimderi men sýda ınfektsııa qozdyrǵyshtarynyń kóbeıýine qolaıly jaǵdaı jasap, juqtyrý qaýpin arttyrady. Іshek ınfektsııasymen aýyrǵandardyń úshten birinen astamyn 14 jasqa deıingi balalar quraıdy, — deıdi mamandar.
Tirkelgen árbir jaǵdaı boıynsha epıdemıologııalyq tekserý júrgizilip, indetke qarsy is-sharalardyń tolyq kesheni júzege asyrylady. Negizgi mindet — ınfektsııanyń taralýyna yqpal etetin yqtımal faktorlardy anyqtap, onyń odan ári taralýyna jol bermeý.
JІI taralýynyń negizgi faktorlary retinde lastanǵan azyq-túlik ónimderi, sapasyz aýyzsý jáne jeke bas gıgıenasy erejelerin saqtamaý qalyp otyr.
Densaýlyq saqtaý mınıstrligi ishek ınfektsııalarynan qorǵanýdyń eń tıimdi tásili qarapaıym profılaktıkalyq sharalardy saqtaý ekenin eske salady.
JІI-diń aldyn alý úshin:
- qoldy sabynmen únemi jýý;
- tek qaýipsiz aýyzsýdy paıdalaný;
- kókónister men jemisterdi muqııat jýý;
- azyq-túlikti saqtaý jáne daıyndaý erejelerin saqtaý;
- ónimderdi tek belgilengen saýda oryndarynan satyp alý;
- ruqsat etilmegen jerlerde shomylmaý usynylady.
— Aýrýdyń alǵashqy belgileri — júrek aınýy, qusý, ishtiń aýyrýy nemese dene qyzýynyń kóterilýi baıqalǵan jaǵdaıda, der kezinde medıtsınalyq kómekke júginip, óz betinshe em qabyldamaý qajet, — dep eskertti aq halattylar.
Buǵan deıin Shymkentte 200-den astam bala ishek ınfektsııasyn juqtyrǵany belgili boldy.
