Elde salyǵy tólenbegen kólik sany qansha
ASTANA. KAZINFORM – Elde memlekettik kirister organdary 2025 jylǵa arnalǵan kólik salyǵyn 1 sáýirge deıin tóleý jaıynda eskertken edi. Kólik salyǵyn ýaqytyly telemegenderge qatysty qandaı shara qoldanylady? Bul suraqqa Qarjy mınıstrliginiń Memlekettik kirister komıteti jaýap berdi.
- 2026 jylǵy 15 sáýirdegi jaǵdaı boıynsha 639 917 salyq tóleýshige qatysty 32,4 mlrd teńge kóleminde kólik salyǵy tólenbegen. Salyq tóleýshi kólik salyǵyn ýaqytyly tólemegen jaǵdaıda, Qazaqstan Respýblıkasynyń Salyq kodeksiniń 183-babyna sáıkes habarlama joldanady. Habarlamany oryndaý úshin 30 jumys kúni merzim beriledi. Atalǵan merzim ishinde talap oryndalmaǵan jaǵdaıda, Salyq kodeksiniń 190-babyna sáıkes salyq buıryǵy qalyptastyrylyp, salyq tóleýshige joldanady. Salyq buıryǵyn oryndaý úshin 5 jumys kúni beriledi, - delingen komıtettiń Kazinform agenttigine bergen jaýabynda.
Atap aıtqanda, salyq buıryǵy belgilengen merzimde oryndalmaǵan jaǵdaıda, óndirip alý sharalaryn qoldaný úshin atqarýshylyq qujat Qazaqstan Respýblıkasynyń atqarýshylyq is júrgizý týraly zańnamasyna sáıkes jeke sot oryndaýshylaryna joldanady.
Aıta keteıik, Astana bıýdjetine kólik salyǵynan 10 mlrd teńgeden asa qarjy túskenin jazǵan edik.