Elde paıdaly qazbalardy barlaýǵa ótinish qabyldaý bastalady
ASTANA. KAZINFORM — Qazaqstanda 3 922 blokta paıdaly qazba barlaýǵa lıtsenzııa beriledi, dep habarlaıdy Ónerkásip jáne qurylys mınıstrliginiń baspasóz qyzmeti.
— «Jer qoınaýy jáne jer qoınaýyn paıdalaný týraly» Qazaqstan Respýblıkasy Kodeksiniń 189-1-babyna sáıkes 2026 jylǵy 6 qarashadan bastap jańadan bosaǵan 3 922 blok boıynsha qatty paıdaly qazbalardy barlaýǵa lıtsenzııalar alýǵa ótinishter qabyldaý bastalady. Ótinishter Jer qoınaýyn paıdalanýdyń biryńǵaı platformasy https://minerals.e-qazyna.kz/ arqyly qabyldaý bastalǵan kúnnen bastap 15 jumys kúni ishinde beriledi, — delingen mınıstrlik habarlamasynda.
Buǵan deıin Qazaqstan 2026 jyly geologııalyq barlaý jumystaryna arnalǵan 112 ýchaskeni elektrondyq aýktsıonǵa shyǵarýdy josparlap otyrǵanyn jazǵanbyz.
Aıta keteıik, Qasym-Jomart Toqaev sırek metaldardy barlaý men óńdeýdi kúsheıtýdi tapsyrǵan bolatyn.
