Elde ósimdik maıyn óndirý kólemi qanshalyqty artty

ASTANA. KAZINFORM — Elimizde ósimdik maıyn óndirý boıynsha jergilikti kompanııalar suranysty qanshalyqty jaýyp otyr? Bul suraqqa QR Aýyl sharýashylyǵy mınıstrligi jaýap berdi.

— Elimizde jylyna 4,7 mln tonnadan astam maıly daqyldy óńdeıtin 90-ǵa jýyq kásiporyn jumys istep tur. Ósimdik jáne kúnbaǵys maıynyń otandyq óndiris kólemi ishki tutyný kóleminen (ósimdik maıy -331 myń tonna, kúnbaǵys maıy — 281 myń tonna) 2,2 ese kóp. Raps maıyna ishki naryqta suranys bolmaǵandyqtan óndirilgen kólemi eksportqa ótkiziledi. Ósimdik maıynyń óndirisi 2023 jylmen salystyrǵanda (672 myń tonna) 2024 jyly 12,6 paıyzǵa ósip, 757 myń tonnaǵa jetti. Onyń ishinde kúnbaǵys maıy 640 myń, al raps maıynyń óndirisi 60,7 myń tonnany qurady, — delingen mınıstrliktiń Kazinform agenttigine bergen jaýabynda.

Osy jyldyń 9 aıynda byltyrǵy osy kezeńmen salystyrǵanda ósimdik maıynyń óndirisi 23,3 paıyzǵa ósti (519,4 myń tonnadan 640,5 myń tonnaǵa deıin), onyń ishinde kúnbaǵys maıy 26,7 paıyzǵa (443,5 myń tonnadan 562,1 myń tonnaǵa deıin), raps maıy 14,3 paıyzǵa (34,1 myń tonnadan 38,9 myń tonnaǵa deıin).

— Byltyr jalpy qýattylyǵy jylyna 79,2 myń tonna ósimdik maıyn óndirý boıynsha 5 joba iske qosyldy, 2025 jyldyń sońyna deıin jalpy qýattylyǵy 251 myń tonna bolatyn taǵy 4 jobany iske asyrý josparlanǵan, — dep atalyp ótken AShM aqparatynda.

Buǵan deıin 2025 jyldyń alǵashqy 7 aıynda respýblıkada 521,2 myń tonna ósimdik maıy óndirilgenin jazǵan edik. 

Qazaqstanda óndirilgen kúnbaǵys maıy kóbine Qytaıǵa, Tájikstanǵa, Ózbekstanǵa, Qyrǵyzstanǵa eksporttalyp keledi. Raps pen zyǵyr maıyn negizinen Qytaı, soıa maıyn Ózbekstan satyp alady.