Elde ónerkásip óndirisiniń kólemi 10235 mlrd. teńge boldy- QR Statıstıka agenttigi
ASTANA. 14 Qyrkúıek. QazAqparat /Jasulan Amanbaıuly/ - 2011 jyly qańtar-tamyz aılarynda negizgi kapıtalǵa salynǵan ınvestıtsııalar kólemi 2771,4 mlrd. teńgeni qurady. Bul týraly búgin Astanada ótken brıfıng barysynda QR Statıstıka agenttiginiń tóraǵasy Álıhan Smaılov málim etti.
Bul ótken jyldyń sáıkes kezeńimen salystyrǵanda, 0,9 paıyzǵa artqan.
Sonymen qatar, 2011 jyldyń sońǵy 7 aıy boıynsha Qazaqstannyń áleýmettik-ekonomıkalyq damýynyń qysqasha qorytyndylaryn shyǵarǵan Á. Smaılov, elde ónerkásip óndirisiniń kólemi 10235 mlrd. teńge bolyp tirkelgenin aıtty. Bul 2010 jylǵy qańtar-tamyz kezeńindegi kórsetkishke qaraǵanda 4,6 paıyzǵa artyq. Ken óndirý ónerkásibinde jáne karerlerdi qazýda - 2,7 paıyz, óńdeý ónerkásibinde - 7,4 paıyz ósim baıqalǵan.
