Elde nesıe berý qarqyny tómendedi

ASTANA. KAZINFORM – Qarjy naryǵyn retteý jáne damytý agenttiginiń málimetinshe halyqqa beriletin kredıtter 2025 jyly 19,8%-ǵa 24,8 trln teńgege deıin ósip (2025 jylǵy jeltoqsanda — 0,8%-ǵa ósý), 2024 jylǵy 23,9%-ǵa ósýmen salystyrǵanda báseńdegen.

— Halyqqa berilgen kredıtter qurylymynda ıpotekalyq kredıtter 2025 jyly 14,6%-ǵa 6,9 trln teńgege deıin, tutynýshylyq kredıtter 21,0%-ǵa 16,7 trln teńgege deıin (2025 jylǵy jeltoqsanda 0,5%-ǵa ósý) ósip, 2024 jylǵy 33,5%-ǵa ósýmen salystyrǵanda báseńdedi, sonyń ishinde kepilsiz tutynýshylyq kredıtterdiń ósýi 2024 jylǵy 29,3%-dan 2025 jyldyń qorytyndysy boıynsha 14,5%-ǵa deıin baıaýlady. 

Qabyldanǵan tejeýshi sharalardyń nátıjesinde jańa kepilsiz tutynýshylyq qaryzdar berýdiń ósý qarqyny 2024 jylǵy 22,6%-dan 2025 jyldyń qorytyndysy boıynsha 6,1%-ǵa deıin báseńdedi, — delingen habarlamada.

Bul rette tutynýshylyq kredıt berýdi ulǵaıtýǵa eleýli úles avtokredıtterge berilgen kredıt olar 2025 jyly 42,4%-ǵa ósip, 4 trln teńgege jetti.

2025 jylǵy jeltoqsanda bıznes sýbektilerine ulttyq valıýtadaǵy kredıtter boıynsha syıaqynyń ortasha alynǵan mólsherlemesi 21,4% (2024 jylǵy jeltoqsanda — 19,7%), halyqqa — 18,3% (2024 jylǵy jeltoqsanda — 17,0%).

Aıta ketelik bankterdiń nesıe qurylymy ınflıatsııaǵa qalaı áser etetini týraly jazǵan edik.