Elde nekege turýdyń eń tómengi deńgeıi qaı óńirde
ASTANA. KAZINFORM — 2024 jyly AHAT organdary elde 123,6 myń neke tirkedi, bul aldyńǵy jylmen salystyrǵanda 2,2% artyq.

— Nekelesýdiń jalpy koeffıtsıenti 6,13 (1000 adamǵa). Nekeleskenderdiń kópshiligi Astana qalasynda, 1000 adamǵa shaqqanda 7,34 neke koeffıtsıenti, sondaı-aq Almaty (6,98) jáne Ulytaý oblystarynda (6,70) baıqaldy. Nekege turýdyń eń tómengi deńgeıi Batys Qazaqstan oblysynda — 1000 adamǵa shaqqanda 5,58 neke, — delingen Ulttyq statıstıka bıýrosynyń habarlamasynda.
Otbasyn qurǵandardyń ishin erlederdiń 78% jáne áıelderdiń 79,1% nekege alǵash ret turǵan, ajyrasqannan keıin qaıta úılengen erlerdiń úlesi — 20,8%, turmysqa shyqqan áıelderde –19,4%.
Qalalyq jerde 82,1 myń neke (66,4%), aýyldyq jerde 41,5 myń neke (33,6%) tirkelgen.
Alǵash neke qurǵan erlerdiń ortasha jasy 27,9 jas bolsa, áıelder úshin — 25,2 jas.
2024 jyly neke jaz aılarynda eń kóp tirkelgen: maýsym — 11 675, shilde — 13 739, tamyz — 12 936.
Barlyq tirkelgen nekeniń 81,8% monoetnıkalyq bolsa, qalǵan 18,2% — etnosaralyq.
Ajyrasýǵa keletin bolsaq, 2024 jyly olardyń sany 40,5 myń boldy.
Qalalyq jerde 30,1 myń ajyrasý (74,4%), aýyldyq jerlerde — 10,4 myń ajyrasý (25,6%) tirkelgen. Ajyrasýdyń jalpy koeffıtsıenti 2,01 (1000 adamǵa).
— Ajyrasýdyń eń joǵary deńgeıi ShQO-da, 1000 adamǵa shaqqanda 3,12 koeffıtsıentimen, sondaı-aq Qaraǵandy (3,11) jáne Pavlodar (3,09) oblystarynda baıqaldy. ajyrasýdyń eń tómengi deńgeıi Túrkistan oblysynda — 1000 adamǵa shaqqanda 0,90, — delingen habarlamada.
Neke uzaqtyǵy boıynsha ajyrasýlardyń eń kóp úlesi (35%) 1-4 jyl nekede turǵan otbasylar arasynda, ajyrasýlardyń 25% — 5 jyldan 9 jylǵa deıin birge turǵandar arasynda, taǵy 8% neke tirkelgennen keıin bir jyl ishinde ajyrasqan.
Aıta ketelik elde kimder nekesin tegin tirkeı alatyny týraly jazǵan edik.