«Elde ne bolyp jatqanyn bilsin» – astanalyq áje referendýmǵa nemerelerimen keldi

NUR-SULTAN. QazAqparat – 64 jastaǵy Bıbiámına apaı referendýmǵa 2 nemeresimen keldi. Elorda turǵyny №111 referendým ýchaskesinde daýys berdi, dep habarlaıdy QazAqparat tilshisi.

«Táýelsizdik alǵaly 30 jyldan asyp barady, ózgerister kerek-aq. Ózgerister osyndaı saıası reformalardan bastalady. Konstıtýtsııaǵa engizilgeli otyrǵan ózgerister elimizdiń bolashaǵy úshin mańyzdy. Men sol úshin kelip otyrmyn. Ár adam óziniń, balalary men jaqyndarynyń erteńgi kúni týraly oılanatyny ras. Al erteńgi kúnniń jarqyn bolýy eldiń jalpy jaǵdaıyna baılanysty. Sondyqtan ár azamat referendýmǵa qatysyp, tańdaýyn jasaǵany jón. Keıingi urpaq elde ne bolyp jatqany týraly kórsin, bilsin degen maqsatpen búgin nemerelerimdi referendýmǵa ertip keldim», - dedi Bıbiámına ájemiz.

Astanalyq turǵynnyń aıtýynsha, elimizge ózgerister kerek jáne ony kútip otyrmaý kerek.

«Óz basym buǵan deıin osy sekildi saıası shara, saılaýlarǵa qatysqan emespin. Sebebi ózgeristerdiń bolatynyna senbedim, senimsizdik boldy. Endi mende senim paıda boldy. Jańa zaman, jańa ómir, jańa Qazaqstanǵa nyq senimdimin», - deıdi ol.

Aıta ketsek, elordadaǵy Ulttyq akademııalyq kitaphana ǵımaratynda ornalasqan №111 referendým ýchaskesinde 3511 qatysýshy tirkelgen. Olar keshki saǵat 20.00-ge deıin daýys berý quqyǵyn paıdalana alady.