Elde metanǵa qatysty ulttyq jospar ázirlenbek

ASTANA. KAZINFORM — Búgin Qazaqstan Respýblıkasy Ekologııa jáne tabıǵı resýrstar vıtse-mınıstri M. Oshýrbaevtyń Global Methane Hub uıymynyń bas dırektory Marselo Menamen kezdesýi ótti. 

Kezdesý barysynda taraptar metan shyǵaryndylaryn qysqartý salasyndaǵy yntymaqtastyqtyń qazirgi jaı-kúıi men perspektıvalaryn talqylady. Ózara túsinistik týraly memorandým aıasynda birlesken bastamalardy iske asyrýǵa erekshe nazar aýdaryldy.

Vıtse-mınıstr Qazaqstan úshin metan shyǵaryndylaryn azaıtý memlekettik klımattyq saıasattyń basym baǵyttarynyń biri ekenin atap ótti. Elde halyqaralyq mindettemelerdi, sonyń ishinde Jahandyq metan mindettemesin jáne jańartylǵan Ulttyq anyqtalǵan úlesti iske asyrý sheńberinde júıeli jumystar júrgizilip jatyr.

Taraptar Ulttyq is-qımyl josparyn ázirleý, MRV júıesin damytý, zamanaýı tehnologııalardy engizý jáne Ulttyq metan keńsesin qurý máselelerin talqylady. Qazirgi yntymaqtastyq munaı-gaz jáne kómir sektorlaryna baǵyttalǵan, alaıda Qazaqstan ózara is-qımyldy aýyl sharýashylyǵy men qaldyqtar sektoryna keńeıtýge múddeli ekenin bildirdi.

Marselo Mena óz kezeginde Global Methane Hub tarapynan Qazaqstannyń bastamalaryn qoldaýǵa jáne yntymaqtastyqty keńeıtýge daıyn ekenin rastady.

Kezdesý qorytyndysy boıynsha taraptar klımattyq maqsattarǵa qol jetkizý jolynda seriktestikti odan ári damytýǵa nıetti ekenin rastady. 

Aıta ketelik Qazaqstan munaı-gaz salasynda metan shyǵaryndylaryn azaıtý sharalaryn kúsheıtýge nıetti.