Elde memlekettik-jekemenshik áriptestiktiń damýyna birneshe jaıt kedergi - B.Saǵyntaev

Bul týraly búgin Úkimettiń selektorlyq rejimdegi otyrysynda memlekettik-jekemenshik áriptestikti (MJÁ) damytýdyń tujyrymdamalyq tásilderi týraly baıandama jasaǵan QR Ekonomıkalyq damý jáne saýda mınıstri Baqytjan Saǵyntaev aıtty.

Onyń sózine qaraǵanda, Qazaqstandaǵy memlekettik-jekemenshik áriptestik ınstıtýty memleket pen bıznes qarym-qatynasynyń úlgisi retinde «Kontsessııalar týraly» Zań qabyldanyp, qajetti normatıvtik-quqyqtyq baza daıyndalǵan 2006 jyldan bastap damı bastaǵan.  Qazirgi kezde 6 kontsessııa júzege asyrylýda. Degenmen mınıstrdiń aıtýynsha, sońǵy jyldary MJÁ-niń damýy birneshe sebepter boıynsha tejelýde.

«Birinshiden, MJÁ jobalarynyń daıyndyǵy men júzege asyrylýy 2008-2009 jyldardaǵy álemdik qarjy daǵdarysypen tuspa-tus keldi. Bul Qazaqstandaǵy MJÁ-niń damýynyń josparyn ózgertti. Atap aıtqanda, eń aldymen avtojol salasyna áser etti», - dedi ol.

B.Saǵyntaevtyń sózine qaraǵanda, elimizdiń qoldanystaǵy zańnamasy álemdik tájirıbede paıdalanylatyn MJÁ kelisimsharttarynyń túrlerin qoldanýǵa múmkindik bermeıdi. Sonymen qatar ony qoldaný salasy áleýmettik salada jáne turǵyn úı-kommýnaldyq sharýashylyǵynda shektelgen. Jobalardy daıyndaý men júzege asyrý protsedýrasy qıyndatylǵan.

«Bul ekonomıkanyń áleýmettik mańyzdy sektoryna sheteldik jáne otandyq ınvestıtsııalardy tartýǵa nuqsan keltiredi», - dedi mınıstr.