Elde medıtsınalyq týrızmdi damytýdyń jol kartasy ázirlenip jatyr
ASTANA. KAZINFORM — Byltyr Qazaqstannyń aýrýhanalaryna 80 myń sheteldik emdelýge keldi. Bul týraly Úkimet otyrysynda QR Týrızm jáne sport mınıstri Erbol Myrzabosynov málim etti.
— Týrızm salasynyń ósýine serpin beretin perspektıvaly baǵyttardyń biri — medıtsınalyq týrızm. Qazaqstannyń basty artyqshylyǵy — kórsetiletin qyzmetterdiń joǵary sapasy men qoljetimdi qunynyń úılesýi. Ótken jyly Qazaqstan shamamen 80 myń sheteldik patsıentti qabyldady, — dedi E. Myrzabosynov.
Onyń sózine qaraǵanda, otandyq 10 medıtsınalyq uıym halyqaralyq JCI akkredıtatsııasyn alǵan.
— Densaýlyq saqtaý mınıstrligimen birlesip, 2026–2028 jyldarǵa arnalǵan medıtsınalyq týrızmdi damytý jónindegi Jol kartasy ázirlenip jatyr, — dedi mınıstr.
Buǵan deıin týrızm salasynda 600 myńnan astam adam jumyspen qamtylǵanyn jazǵan edik.
