Elde medıtsına qyzmetkerlerin yntalandyrý tártibi ózgerýi múmkin
ASTANA. KAZINFORM — Densaýlyq saqtaý mınıstrligi medıtsına qyzmetkerlerin yntalandyrý tártibine ózgerister engizýdi usyndy. Jańa túzetýler tegin medıtsınalyq kómektiń kepildik berilgen kólemi jáne mindetti áleýmettik medıtsınalyq saqtandyrý (MÁMS) júıesi aıasynda qyzmet kórsetetin mamandardyń jumysyn baǵalaý tártibin naqtylaýdy kózdeıdi.
Atap aıtqanda, medıtsına qyzmetkerleriniń jumysyn baǵalaýda qoldanylatyn ana ólimi kórsetkishin esepteý tártibine engizilmek. Atap aıtqanda, medıtsınalyq uıymǵa tirkelgen turǵyndar arasyndaǵy ana ólimine baılanysty qosalqy kórsetkishterdiń jıyntyq máni úshin belgilengen aralyqty 10–39 paıyzdan 10–29 paıyzǵa ózgertý usynylyp otyr.
Densaýlyq saqtaý mınıstrliginiń málimetinshe, usynylǵan túzetýler tek tehnıkalyq sıpatta. Olar kórsetkishterdi esepteýdiń biryńǵaı tártibin qalyptastyrýǵa, esepteýlerdiń dáldigin arttyrýǵa jáne esepti kezeńdegi nátıjelerdi baǵalaý kezinde túsinbeýshilikterdiń aldyn alýǵa baǵyttalǵan.
Bul rette medıtsına qyzmetkerleriniń jumysyn baǵalaý men olardy yntalandyrýdyń negizgi qaǵıdattary ózgerissiz qalady.
Qujat jobasy 2026 jylǵy 9 qarashaǵa deıin qoǵamdyq talqylaýǵa usynylǵan.
Eske sala keteıik, buǵan deıin Qazaqstanda dáriger tapshylyǵy 20,4%-ǵa azaıǵany habarlandy.
