Elde maımyl sheshegi aýrýy tirkelgen joq — DSM

ASTANA. KAZINFORM — Jyl basynan el aýmaǵyna kelgen adamdar arasynda maımyl sheshegi aýrýyna qatysty kúdikke ilingender boldy ma? Bul suraqtarǵa Densaýlyq saqtaý mınıstrligi jaýap berdi.

— Maımyl shesheginiń respýblıka aýmaǵyna ákelinýi men taralýyn boldyrmaý maqsatynda epıdemııaǵa qarsy sharalar qabyldandy. Respýblıkanyń 40 sanıtarlyq-karantındik beketinde, onyń ishinde áýejaılarda (18), temirjol beketterinde (5), teńiz porttarynda (2), avtoótkelderde (14), «Qorǵasta» erekshe qaýipti aýrýǵa kúdikti naýqastardy anyqtaý úshin dene qyzýy joǵary adamdardy anyqtaýǵa arnalǵan qashyqtan termometrııa ádisimen baqylaý kúsheıtildi. Qazirgi ýaqytta el boıynsha maımyl sheshegine shaldyǵý jaǵdaılary tirkelgen joq. Jaǵdaı baqylaýda, — dep atalyp ótken mınıstrliktiń Kazinform agenttigine bergen jaýabynda.

Eske salsaq, 2024 jyly Premer-Mınıstr maımyl sheshegine qatysty áýejaılarda baqylaý jumystaryn kúsheıtýdi tapsyrdy. 

Bıyl aqpan aıynda Taılandtan oralǵan reseılik 2 azamattan maımyl sheshegi anyqtalǵany málim boldy.