Elde mal sharýashylyǵyn qarjylandyrý kólemi artady – Úkimet otyrysy
ASTANA. KAZINFORM – Búgin Úkimet otyrysynda Premer-mınıstr Oljas Bektenov mal sharýashylyǵyn damytýǵa qatysty tapsyrma berdi
- Ekonomıkany damytýda bolashaǵy zor baǵyttardyń biri – jeńil ónerkásip. Shilde aıynda 2030-shy jylǵa deıingi Jeńil ónerkásipti damytý jónindegi keshendi jospar qabyldandy. Ony tıimdi ári ýaqtyly iske asyrý otandyq ónim óndirisiniń kólemin arttyryp, ishki naryqty tolyqtyrýdy jáne jańa jumys oryndaryn ashýdy qamtamasyz etýge tıis. Ónerkásip mınıstrligine múddeli memlekettik organdarmen, óńir ákimdikterimen jáne «Atameken» palatasymen birlesip, josparlanǵan is-sharalardyń sapaly ári ýaqtyly oryndalýyn qamtamasyz etýdi tapsyramyn, - dedi O. Bektenov.
Sonymen qatar Úkimet basshysy ishki naryqty otandyq agroónerkásip ónimderimen tolyqtyrýdy jalǵastyryp, ótkizý arnalaryn keńeıtý, sondaı-aq ónimdi syrtqy naryqtarǵa belsendi ilgeriletý qajet ekenin aıtty.
- Mal sharýashylyǵyn, ásirese mýltıplıkatıvtik áseri joǵary etti mal sharýashylyǵyn damytý basym baǵyttardyń biri bolýǵa tıis. Osy áleýetti barynsha tıimdi paıdalanyp, et ónimderin eksporttaýshy jetekshi elderdiń biri retinde Qazaqstannyń syrtqy naryqtardaǵy rólin nyǵaıta túsý kerek. Ulttyq ekonomıka mınıstrligine mal sharýashylyǵy jáne ınvestıtsııalyq jobalardy nesıelendirý maqsatynda «Báıterek» holdınginiń jarǵylyq kapıtalyn ulǵaıtýǵa qatysty qarjy-ekonomıkalyq negizdemeni barynsha qysqa merzimde qarap, tıisti qorytyndy usynýdy tapsyramyn, - dedi Premer-mınıstr.
Onyń paıymynsha, senimdi derektersiz otandyq ónimniń naqty úlesin jáne memlekettik qoldaý sharalarynyń tıimdiligin baǵalaý múmkin emes.
- Saýda mınıstrligi múddeli memlekettik organdarmen birlesip, jyl sońyna deıin Ulttyq taýarlar katalogy negizinde taýarlardy qadaǵalaýdyń biryńǵaı tsıfrlyq júıesin qalyptastyrýdy aıaqtasyn. Atalǵan júıeni Memlekettik kirister komıtetiniń derekterimen, Otandyq taýar óndirýshilerdiń tizilimimen jáne basqa da aqparattyq júıelermen ıntegratsııalaýdy tapsyramyn, - dedi O. Bektenov.
Munymen qosa ol qazaqstandyq ónimdi ilgeriletý, sertıfıkattaý, logıstıkany uıymdastyrý jáne ony sheteldik saýda jelileriniń sórelerine ornalastyrý baǵytynda keshendi sharalardy ázirleý qajet ekenin atap ótti.
Budan buryn habarlanǵandaı, Premer-mınıstr Oljas Bektenov otandyq ónimniń úlesin turaqty túrde arttyrýǵa qatysty mınıstrlikterge tapsyrma berdi.
