Elde mádenı murany saqtaýdyń 2026–2028 jyldarǵa arnalǵan keshendi jospary bekitildi
ASTANA. KAZINFORM – Úkimet ıÝNESKO men ISESKO aıasynda mádenı murany saqtaý jáne ilgeriletýdiń 2026–2028 jyldarǵa arnalǵan keshendi josparyn bekitti. Bul týraly Úkimettiń baspasóz qyzmeti habarlady.
Qazaqstan Respýblıkasy Úkimeti ıÝNESKO jáne ISESKO aıasynda mádenı murany saqtaý jáne ilgeriletýdiń 2026–2028 jyldarǵa arnalǵan keshendi josparyn bekitti. Tıisti qaýlyǵa Premer-mınıstr Oljas Bektenov qol qoıdy.
Josparda tarıhı jáne mádenı eskertkishterdi saqtaý, materıaldyq emes mádenı murany qoldaý, mamandardy daıarlaý jáne Qazaqstannyń osy saladaǵy halyqaralyq baǵdarlamalar men bastamalarǵa qatysýyn keńeıtý jónindegi naqty sharalar kózdelgen.
Negizgi mindetterdiń qatarynda dúnıejúzilik mura nysandaryn qorǵaý sapasyn arttyrý, Qazaqstannyń mádenı qundylyqtaryn halyqaralyq deńgeıde ilgeriletý, saraptamalyq jáne bilim berý bazasyn damytý, sondaı-aq mádenı murany saqtaý isine qoǵamdy belsendi tartý is-sharalary bar.
Aıta ketelik Jarkent meshiti men Voznesensk shirkeýi ıÝNESKO-nyń búkilálemdik mura nysandarynyń aldyn ala tizimine engen edi.
