Elde kún sýytady

ASTANA. KAZINFORM — Qazgıdromet aldaǵy kúnderge arnalǵan aýa raıy boljamyn jarııalady. 

Tsıklonnyń áserinen Qazaqstanda ystyq jazǵy kúnder jańbyrly, naızaǵaıly aýa raıymen aýysty.

Tipti eldiń ońtústiginde de ystyqtyń báseńdeýi baıqalady. Aldaǵy kúnderi tsıklon jyldamdyǵy baıaý bolǵandyqtan, elimizdiń basym bóligine áserin saqtap qalady. Jańbyr jaýady, respýblıkanyń soltústiginde jáne shyǵysynda keı jerlerde nóser bolady, jekelegen aýdandarda burshaq jaýýy múmkin.

2 tamyzdan bastap tsıklonnyń artynan soltústikten antıtsıklon jyljyp kele bastaıdy. Ol jaýyn-shashynnyń toqtaýyna jáne soltústik óńirlerde kúndizgi aýa temperatýrasynyń 15–20 gradýsqa deıin tómendeýine sebep bolady. 

Aıta ketelik búgin jańbyr men burshaq jaýyp, tuman túsetini týraly jazǵan edik.