Elde krıptovalıýta arqyly aqsha jylystatý shemasy áshkerelendi
ASTANA. KAZINFORM — Krıptotergeý nátıjesinde jalpy somasy 9,7 mln USDT-ten asatyn tsıfrlyq aktıvter buǵattaldy.
Buǵan deıin TMD keńistigindegi iri kóleńkeli krıptoservısterdiń biri — tsıfrlyq aktıvter arqyly qarajatty qolma-qol aqshaǵa aınaldyrý jáne qylmystyq kiristi jylystatýmen aınalysqan «RAKS Exchange» joıylǵany týraly habarlanǵan bolatyn.
Atalǵan krıptoalmastyrǵysh arqyly Qazaqstan, Reseı, Ýkraına jáne Moldova aýmaǵynda áreket etken 200-den astam esirtki ınternet-dúkenderiniń tranzaktsııalary ótken. Platformanyń jalpy aınalymy 224 mln AQSh dollarynan asqan.
Aýqymdy krıptotergeý barysynda Follow the Money tásili aıasynda esirtki quraldarynyń zańsyz aınalymyna jáne darknet alańdarynyń qyzmetine qatysy bar 4 000-nan astam krıptoámııanǵa blokcheın-taldaý júrgizildi.
Krıptotergeý nátıjesinde jalpy somasy 9,7 mln USDT-ten asatyn tsıfrlyq aktıvter buǵattaldy.
Qazirgi kezeńde anyqtalǵan qarajattyń bir bóligi — 3,2 mln USDT tárkilendi.
Olardyń qylmystyq jolmen alynǵany dáleldenip, qarajat agenttiktiń arnaıy shotyna aýdaryldy.
Nátıjesinde azamattardyń densaýlyǵyna qaýip tóndirgen arna joly kesildi. Іri kólemdegi esirtki jetkizilimderi toqtatylyp, taratý ınfraqurylymy joıyldy, birqatar esirtki ınternet-dúkenderiniń qyzmeti toqtatyldy.
Atalǵan baǵyttaǵy jumys jalǵasyp jatyr.
Aıta ketelik keshe qurylys kompanııasynyń basshysy Móldir Súıinshálıge qatysty qylmystyq is qozǵalǵan edi.
