Elde qymyz óndirisi artty

ASTANA. KAZINFORM – Jyldyń alǵashqy eki aıynyń qorytyndysy boıynsha qymyz óndirisi 11,8% ósken. Bul týraly Ulttyq statıstıka bıýrosy habarlady. 

2026 jyldyń qańtar-aqpan aılarynda 215 tonna qymyz óndirildi, bul 2025 jyldyń sáıkes kezeńimen salystyrǵanda 23 tonnaǵa kóp.

Sonymen qatar shubat óndirisi 22,2% azaıdy. 2026 jyldyń alǵashqy eki aıynda 206 tonna túıe sýsyny óndirildi, bul ótken jyldyń osy kezeńimen salystyrǵanda 58 tonnaǵa az.

Aıta ketý kerek, 2025 jyldyń 12 aıynyń qorytyndysy boıynsha qymyz óndirisi 1126 tonna (jyl ishinde 4,3% azaıǵan), al shubat óndirisi 1425 tonna (+27,6%) boldy.

Aıta ketelik Qazaqstan qalalarynda qymyz ben shubat baǵasy qansha ekenin jazǵan edik.