Elde kepilsiz tutynýshylyq qaryz berýge shekteý engiziledi

ASTANA. KAZINFORM — Joba bank qyzmetin retteý máseleleri boıynsha normatıvtik quqyqtyq bazany jetildirý maqsatynda ázirlendi jáne tutynýshylyq nesıe berýdiń ósý qarqynyn shekteýge jáne azamattardyń shamadan tys borysh júktemesin boldyrmaýǵa baǵyttalǵan. Bul týraly Qarjy naryǵyn retteý jáne damytý agenttiginiń baspasóz qyzmeti habarlady. 

Qarjy naryǵyn retteý jáne damytý agenttigi «Ekinshi deńgeıdegi bankterge, Qazaqstan Respýblıkasynyń beırezıdent-bankteriniń fılıaldaryna arnalǵan táýekelderdi basqarý jáne ishki baqylaý júıesin qalyptastyrý qaǵıdalaryn bekitý týraly» Ulttyq bank basqarmasynyń 2019 jylǵy
12 qarashadaǵy № 188 qaýlysyna ózgerister men tolyqtyrýlar engizý týraly» agenttik basqarmasy qaýlysynyń jobasyn ázirledi.

Joba bank qyzmetin retteý máseleleri boıynsha normatıvtik quqyqtyq bazany jetildirý maqsatynda ázirlendi jáne tutynýshylyq nesıe berýdiń ósý qarqynyn shekteýge jáne azamattardyń shamadan tys borysh júktemesin boldyrmaýǵa baǵyttalǵan.

— Jobada sońǵy 12 aıda 90 kúnnen asa keshiktirilgen qaryzy bar qaryz alýshylar úshin borysh júktemesiniń koeffıtsıentin (BJK)
0,5-ten 0,25-ke deıin tómendetý kózdeledi, bul osy qaryz alýshylardyń artyq mindettemeler alý múmkindigin shekteýge jáne qaıta defolt yqtımaldyǵyn azaıtýǵa múmkindik beredi, — delingen habarlamada.

Budan basqa, tómendegideı talaptardyń biri bolǵan kezde kepilsiz tutynýshylyq qaryz berýge shekteý engiziledi:

— banktik qaryzdar boıynsha kúntizbelik 30 kúnnen asa jáne (nemese) mıkrokredıtter boıynsha 1 kúnnen asa tólem merzimi ótken kezde;

— 2025 jylǵy 1 shildeden bastap sońǵy 36 aıda negizgi borysh jáne (nemese) syıaqy boıynsha tolyq keshirilgen bereshek bolǵan kezde;

— sońǵy 12 aıda qaryz alýshynyń óz mindettemelerin tıisinshe oryndaýyna yqpal etpegen qaıta qurylymdaý júrgizilse.

Aıta ketelik 3 mln azamat nesıe alýdan óz erkimen bas tartqan edi.