Elde kartop óndirýdiń zamanaýı júıesi engiziledi
ASTANA. KAZINFORM – Bul joba Qazaqstannyń tuqymdyq kartop ımportyna táýeldiligin azaıtady. Bul týraly AShM baspasóz qyzmeti habarlady.
«Qazaq jemis-kókónis sharýashylyǵy ǵylymı-zertteý ınstıtýty» jaýapkershiligi shekteýli seriktestigi men Ońtústik Koreıanyń VITROSYS INCORPORATION kompanııasy Qazaqstanda kartoptyń tuqymdyq túrin óndirýdiń zamanaýı júıesin qalyptastyrýǵa baǵyttalǵan yntymaqtastyq týraly memorandýmǵa qol qoıdy.
Kompanııa prezıdenti Son Song Ho jáne ǵylymı ınstıtýt ókilderimen ótken kezdesýde jobany iske asyrýdyń negizgi baǵyttary jan-jaqty talqylandy.
Olardyń qatarynda in vitro ádisi arqyly vırýssyz otyrǵyzý materıalyn óndirý, bıoreaktorlardy paıdalana otyryp kartopty mıkroklondyq kóbeıtý tehnologııasyn engizý, shaǵyn túınekterdi (G0) jáne G1–G3 býyndaǵy tuqymdyq kartopty óndirýdi damytý, zerthana men jylyjaı ınfraqurylymyn jańǵyrtý, otandyq mamandardy daıarlaý jáne olardyń biliktiligin arttyrý.
Bul jobany júzege asyrý Qazaqstannyń tuqymdyq kartop ımportyna táýeldiligin azaıtyp, agrarlyq salanyń ǵylymı-tehnologııalyq áleýetin nyǵaıtýǵa ári sharýalardy joǵary sapaly tuqymdyq materıaldarmen qamtamasyz etýge múmkindik beredi.
Aıta ketelik Pavlodar qoımalarynda 50 myń tonna kartop pen 30 myń tonna sábiz saqtalyp tur.