Elde qansha jeke kásipker bar

ASTANA. KAZINFORM – 2026 jylǵy 1 naýryzdaǵy jaǵdaı boıynsha Qazaqstanda 1 795,6 myń jeke kásipker tirkelgen, bul ótken jyldyń tıisti kezeńimen salystyrǵanda 1,1% kem (1 814,2 myń). 

Olardyń 1 732,8 myńy — jumys istep turǵandar (jalpy sannan 96,5%).

Salalar boıynsha dara kásipkerler sany kóterme jáne bólshek saýda salasynda eń kóp tirkelgen — 667 myń birlik (37,1%), sondaı-aq basqa qyzmet kórsetý — 258,2 myń jáne aýyl sharýashylyǵynda salasynda — 249 myń birlik. Dara kásipkerler sany memlekettik basqarý salasynda eń az — barlyǵy 151 birlik.

Dara kásipkerlerdiń negizgi bóligi respýblıkalyq mańyzy bar qalalarda shoǵyrlanǵan — 35,5%. Dara kásipkerlerdiń kópshiligi Almaty men Astana qalalarynda tirkelgen: tıisinshe 288,7 myń jáne 204,3 myń. Úshtikti 196,2 myń dara kásipkeri tirkelgen Túrkistan oblysy túıindeıdi. Dara kásipkerlerdiń eń az sany Ulytaý oblysynda — 16,1 myń birlik.

Barlyq tirkelgen dara kásipkerlerdiń 39,1% ıesi 35 jasqa deıingi tulǵalar. Sonymen qatar, jeke kásipkerlikpen aınalysatyn áıelderdiń úlesi — 50,4%. 

Aıta ketelik jeke kásipkerler úshin ońaılatylǵan salyq rejımi qalaı ózgergeni týraly jazǵan edik.