Elde qansha mádenı mekeme bar

ASTANA. KAZINFORM – 2025 jylǵy 1 qańtardaǵy jaǵdaı boıynsha elde kópshilikke qoljetimdi 3920 kitaphana, 3076 mádenı-demalys uıymy, 282 murajaı, 251 oıyn-saýyq jáne demalys parki, 113 kınoteatr, 74 teatr, 50 kontserttik uıym, 10 haıýanattar baǵy jáne 4 tsırk jumys istedi. Bul týraly Ulttyq statıstıka bıýrosy habarlady. 

2024 jyly kelýshiler sany boıynsha kitaphanalar kósh bastady (55485,6 myń adam kelýshi), odan keıin kınoteatr (23 277,4 myń kelýshi), oıyn-saýyq jáne demalys saıabaǵy (15 598,1 myń kelýshi) men murajaılarǵa (6665,4 myń kelýshi) barýshylar kóp bolǵan.

2023 jylmen salystyrǵanda kelýshiler sany zoobaqtarda 30%, kontserttik uıymdarda — 12,1%, mádenı-demalys uıymdarynda — 11,5%, kınoteatrda — 10,9%, murajaılarda — 6,5%, teatrlarda –3,5% artqan.

Bul rette is-sharalardyń kópshiligin mádenı-demalys uıymdary (224,2 myń), teatrlar (16,7 myń birlik), oıyn-saýyq jáne demalys saıabaqtary (8,7 myń), sondaı-aq kontserttik uıymdar (6,4 myń) ótkizgen. 2024 jyly demalys jáne oıyn-saýyq saıabaqtary ótkizgen is-sharalar sany 24%, tsırkterde –13,5%, mádenı-demalys uıymdarynda 8,8% ósken.

— Óńirlik bóliniste 2024 jyly kitaphanalarǵa barýshylardyń basym bóligi Almaty qalasy (5581,5 myń kelýshi), Soltústik Qazaqstan (4512,4 myń kelýshi), Túrkistan (4083,7 myń kelýshi) jáne Aqmola (3722,2 myń kelýshi) oblystarynda baıqalǵan. Kınoǵa barýshylar sany boıynsha Respýblıkalyq mańyzy bar qalalar alda: Almaty — 7 844,6 myń kelýshi, Astana — 4027,8 myń kelýshi, Shymkent-1929,4 myń kelýshi. Murajaılarǵa barýshylar sany Túrkistan oblysynda (1170,1 myń kelýshi) jáne Astana qalasynda (955,8 myń kelýshi) eń kóp bolǵan, — delingen habarlamada.