Elde qansha avtokólik bar

ASTANA. KAZINFORM — 149,2 myń avtokólik quraldary aqpan aıynda esepke qoıyldy. Bul týraly Ulttyq statıstıka bıýrosy habarlady. 

— 2025 jylǵy aqpanda 149,2 myń avtokólik quraly esepke qoıyldy. Bul kórsetkish ótken jyldyń sáıkes kezeńimen salystyrǵanda 9,2% artty, — delingen habarlamada.

Onyń ishinde jeńil avtomobılder sany 8%, júk avtomobılderi 26,2% artty, al avtobýstar 6,8% kemidi.

2025 jylǵy 1 naýryzdaǵy jaǵdaı boıynsha Qazaqstanda tirkelgen avtokólik quraldarynyń sany 5791,7 myń boldy, onyń ishinde 88,1% jeńil avtomobılder, 9,9% júk avtomobılderi jáne 2% avtobýstar.

Aıta ketelik jeke adamdar avtokólik pen jyljymaıtyn múlikti lızıngke ala alatyny týraly jazǵan edik.