Elde qansha avtokólik bar

ASTANA. KAZINFORM – 2025 jylǵy shildede 169,9 myń avtokólik quraly esepke qoıyldy, osylaısha 2025 jylǵy 1 tamyzdaǵy jaǵdaı boıynsha Qazaqstanda tirkelgen avtokólik quraldarynyń sany 6 629 myń boldy. Bul týraly Ulttyq statıstıka komıteti habarlady. 

Paıdalanylatyn otyn túri boıynsha kólikterdiń 82,1%-y benzınmen júredi, aralas otynmen júretin kólikterdiń úlesi – 7,1%, dızel otynymen júretin kólikterdiń úlesi – 7%, kólikterdiń jalpy sanynan gaz ballondy kólikterdiń úlesi 0,3% qurady, taǵy 20 775 birlik kólik elektr qýatymen júredi jáne jalpy avtokólikterdiń 0,3% quraıdy.

Sonymen qatar tirkelgen kólik quraldarynyń jalpy sanynan eń kóp úlesti (37,5%) qozǵaltqyshynyń kólemi 1500-den 2000 tekshe sm-ge deıingi kólikter. Mundaı kólikterdiń basym bóligi Almaty oblysynda – 259,3 myń, Almaty – 248,9 myń jáne Astana qalalarynda – 196,5 myń.

Aıta ketelik elde aqyly avtojoldardy tegin paıdalanatyn kólik sanattary belgili boldy.