Elde iskerlik belsendilik jaqsara bastady – Ǵalymjan Pirmatov
«Qazaqstanda 8 aı qatarynan teris aımaqta bolǵan iskerlik belsendilik jaǵdaıy da jaqsara bastady. 2023 jyldyń qańtar aıynda iskerlik belsendilik ındeksi ósý aımaǵyna ótip, 50,7-ni kórsetti. Aqpan aıynda ındıkator 50-di qurap, ózgeris bolmaǵanyn ańǵartty. Barlyq sektorda taýar jetkizý merziminiń uzaqtyǵy iskerlik belsendilikti tejeıtin faktor bolyp qalyp otyr», - dedi Ulttyq bank basshysy.
Sondaı-aq, jyl basynan beri álemde iskerlik belsendilik jaqsarǵanyn, oǵan kóbine Qytaı ekonomıkasynyń koronavırýs shekteýlerinen bosaýy sebepker bolǵanyn atap ótti.
«Qytaı ekonomıkasynyń ashylýyna baılanysty suranys artyp, retsessııalyq táýekelder tómendep, logıstıkalyq marshrýttar jónge kelgendikten baǵa qysymynyń álsiregeni baıqaldy», - dedi Ǵalymjan Pirmatov.