Elde ınvestorlar sport nysandaryn salýǵa múddeli bolatyndaı jaǵdaı jasaý kerek - Sport jáne dene shynyqtyrý isteri agenttigi
ASTANA. 23 sáýir. QazAqparat - Qoldanystaǵy sport nysandary halyqtyń qajettiligin tolyq qamtı almaı otyr, deıdi Sport jáne dene shynyqtyrý isteri agenttiginiń jaýapty hatshysy Álisher Pirmetov.
Bul týraly ol búgin Qazaqstan Respýblıkasy Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń otyrysynda aıtty.
Jaýapty hatshynyń sózine qaraǵanda, búginderi elimizdegi iri sport nysandary negizinen qalalyq jerler men oblys ortalyqtarynda ornalasqan. Sondyqtan sportpen shuǵyldanýǵa neǵurlym qolaıly aımaqtar da osy qalalar men oblys ortalyqtary bolyp otyr.
«Osy sebepti qazir biz qalyptasqan jaǵdaıd retteý úshin birqatar sharalardy júzege asyrý qajet dep otyrmyz. Birinshiden, eldegi sport zaldarynyń basym kópshiligi bilim berý mekemelerinde. Sondyqtan bul nysandardy sabaqtan tys ýaqytta buqaralyq sport sharalaryn uıymdastyrý úshin paıdalanýymyz kerek. Sondaı-aq jergilikti bıýdjet esebinen dene shynyqtyrý pániniń muǵalimderine qosymsha aqy tóleı otyryp, sport sektsııalarynyń jumysyn uıymdastyrý qajet. Buǵan qosa balalar sporty da basa nazar aýdarýdy qajet etip otyr. Taǵy bir aıta keterlik másele - áleýetti ınvestorlardy sport nysandaryn salýǵa múddeli bolatyndaı jaǵdaı jasaý kerek», - dedi jaýapty hatshy.
