Elde ınflıatsııa qarqynynyń tómendeýi baıqaldy

— Shilde aıynda baǵanyń eń kóp tómendeýi maýsymdyq jemis-kókónis ónimderiniń jekelegen túrlerinde tirkeldi. Atap aıtqanda, qııardyń baǵasy 22,6%, qyzanaq — 17,7%, sábizdiń baǵasy — 5,3%, banan — 4,0%, alma — 2,7%, apelsın — 2,3%, lımon men kartop — 1,6%-ǵa arzandady. Sonymen qatar, jumyrtqa 1,4%, arpa jarmasy 1,3% tómendedi, — delingen habarlamada.

Azyq-túlikke jatpaıtyn taýarlar arasynda paıdalanylǵan jeńil avtomobıl baǵasy 3,8%, elektr ettartqysh 2,2%, kir sabyn 1,5%, smartfondar men kózildirikter 1,3%, shash boıaýy 0,7% arzandady.

Jyldyq mánde 2026 jylǵy shildede ınflıatsııa deńgeıi 10,2% qurady (2026 jylǵy maýsymda — 10,3%). Azyq-túlikke jatpaıtyn taýarlardyń baǵasy 11,7%, azyq-túlik taýarlarynyń baǵasy 10,1%, aqyly kórsetiletin qyzmetterdiń baǵasy 9,2% ósti.

Ótken jyldyń shilde aıymen salystyrǵanda jemis-kókónis ónimderiniń jekelegen túrleri boıynsha baǵanyń tómendeýi jalǵasty. Atap aıtqanda, qııar baǵasy 31,6%, qyzanaq — 26,5%, pııaz — 10,9%, sarymsaq — 8,1%, apelsın — 7,8%, alma — 4,7%a tómendedi. Sonymen qatar, azyq-túlik taýarlary arasynda kúrish baǵasy 4,1%-ǵa arzandady.

Azyq-túlikke jatpaıtyn taýarlar arasynda 2025 jylǵy shilde aıymen salystyrǵanda otandyq qurastyrylǵan jańa jeńil avtomobıldiń baǵasy 16,2%, kondıtsıoner 10,8%, medıtsınalyq termometr 7,5%-ǵa, medıtsınalyq bınt 6,4%-ǵa tómendedi.

Tutyný baǵalarynyń ındeksi ınflıatsııa deńgeıin sıpattaıtyn kórsetkish bolyp tabylady jáne aı saıyn esepteledi. Baqylaý 537 taýar men qyzmet túri boıynsha júrgiziledi. Inflıatsııa dınamıkasy boıynsha derekter 2018 jyldan bastap qamtylǵan arnaıy ınteraktıvti dashbordta qoljetimdi.

2026 jylǵy qańtardan bastap tutyný baǵalary ındeksin esepteý qurylymynda azyq-túlik taýarlarynyń úlesi 41,1%, azyq-túlikke jatpaıtyn taýarlar 28,4%, aqyly qyzmetter 30,5%. 

Aıta ketelik shildede áleýmettik mańyzy bar azyq-túlik baǵasy alǵash ret tómendegen edi.