Elde ınflıatsııa qarqyny báseńdedi

Tamyz aıynda baǵanyń negizgi tómendeýi maýsymdyq jemis-kókónis ónimderiniń jekelegen túrlerinde baıqaldy. Atap aıtqanda, kartop baǵasy 12,3%, tátti burysh — 11,9%, qyryqqabat — 9,7%, júzim — 8,0%, pııaz — 7,7%, alma — 5,1%, sábiz — 5,0%, lımon — 4,7%, qyzylsha — 3,6% tómendedi. Sondaı-aq almurt baǵasy 1,8%, qııar — 1,5% arzandady.

Azyq-túlikke jatpaıtyn taýarlardyń ishinde paıdalanylǵan jeńil avtomobılder baǵasy 5,3%, planshetter — 5,0%, medıtsınalyq maskalar — 2,9%, medıtsınalyq termometr — 1,9%, elektr ettartqyshtar men balalar jórgekteri — 0,8% tómendedi.

Jyldyq mánde 2026 jylǵy tamyzda ınflıatsııa 9,8% qurady (aǵymdaǵy jylǵy shildede — 10,2%). Azyq-túlikke jatpaıtyn taýarlardyń baǵasy 11,4%, azyq-túlik taýarlary — 9,5%, aqyly qyzmetter — 8,9% ósti.

Ótken jylǵy tamyz aıymen salystyrǵanda jemis-kókónis ónimderiniń jekelegen túrleriniń baǵasy tómendeýin jalǵastyrdy. Atap aıtqanda, baıaldy baǵasy 46,8%, qııar — 39,9%, qyzanaq — 13,6%, alma — 10,6%, sarymsaq — 7,2%, mandarın — 5,9%, qyryqqabat — 5,2%, banan — 4,2%, apelsın — 2,6% arzandady.

Azyq-túlikke jatpaıtyn taýarlardyń ishinde 2025 jylǵy tamyzben salystyrǵanda otandyq qurastyrylǵan jańa avtomobılderdiń baǵasy 16,9%, elektr burǵylary men buraýyshtar — 8,0%, kondıtsıonerler — 7,6%, medıtsınalyq bıntter — 3,1% tómendedi.

Inflıatsııa deńgeıin sıpattaıtyn tutyný baǵalary ındeksiniń kórsetkishi aı saıyn esepteledi. Baqylaý barlyǵy 537 pozıtsııa boıynsha taýarlar men kórsetiletin qyzmetterdiń tarıfteri men baǵalaryna júrgiziledi. Inflıatsııa boıynsha dınamıkalyq ózgeristerdi 2018 jyldan bastap kórsetkishter qamtylǵan arnaıy ázirlengen ınteraktıvti dashbordtan kórýge bolady.

Aıta ketelik Qazaqstan Ulttyq banki sarapshylar qaýymdastyǵy arasynda júrgizilgen kezekti makroekonomıkalyq saýalnamanyń nátıjesin jarııalaǵan edi.