Elde ınflıatsııanyń ósimine ne sebep jáne ol qashan retteledi – Ulttyq bank jaýaby
NUR-SULTAN. QazAqparat - Qazaqstanda ınflıatsııanyń ósimi ýaqytsha, sondaı-aq ornyqty ishki jáne syrtqy faktorlardyń teris yqpalynan týyndady. Bul týraly QR Ulttyq banki tóraǵasynyń orynbasary Aqyljan Baımaǵambetov QazAqparat tilshisine bergen eksklıýzıvti suhbatynda málim etti.
«Birinshiden, janar-jaǵarmaı, elektr qýaty jáne jekelegen azyq-túlik taýarlary edáýir qymbattady. Kóptegen pozıtsııalar boıynsha baǵanyń ósý qarqyny eki tańbaly sanmen esepteledi. Tutynýshylyq suranystyń qalpyna kelýi ınflıatsııanyń ósýine yqpal etti», - dedi A. Baımaǵambetov suhbat barysynda.
Onyń aıtýynsha, ekinshi sebep - Reseıden keletin «ınflıatsııa ımporty» ishki baǵalarǵa qosymsha qysym kórsetip otyr.
«Kórshi elde de baǵa tez kóterilip jatyr – onda ınflıatsııa 6,5%-ǵa deıin jyldamdady. Bul – sońǵy 5 jyldaǵy eń joǵary kórsetkish. Buǵan jaýap retinde Reseıdiń Ortalyq banki mólsherlemeni 6,5%-ǵa deıin birden 100 bazıstik tarmaqqa kóterý jónindegi sońǵy sheshimdi qosqanda, sońǵy aılarda negizgi mólsherlemeni birneshe ret kóterdi. Úshinshiden, kóptegen elderde ınflıatsııaǵa áser etetin jahandyq faktorlardyń biri – shıkizat pen azyq-túlik taýarlaryna álemdik baǵanyń ósýi. Azyq-túliktiń álemdik baǵa ındeksi shamamen bir jyl boıy ósip kele jatqanyn biz baıqap otyrmyz, bul tamaq ónimderiniń barlyq negizgi sanattaryna belsendi suranysty kórsetedi», - deıdi ol.
Sondaı-aq, basqarma tóraǵasy Birikken Ulttar Uıymynyń boljamyna sáıkes atalǵan úrdis 2022 jyly da jalǵasady degen paıymdy alǵa tartty.
Buǵan deıin habarlaǵanymyzdaı, QR Ulttyq banki bazalyq mólsherlemeni 9%-dan 9,25% deıin kóterdi.
Aıta keteıik, Ulttyq bank tóraǵasynyń orynbasary Aqyljan Baımaǵambetovtyń QazAqparat tilshisine bergen suhbatyn tómende tamashalaýǵa bolady.
