Elde ınflıatsııa deńgeıi aıtarlyqtaı tómendedi endi qarjylyq naryq jaýap qatýy kerek - Ulttyq bank tóraǵasy
ALMATY. 14 aqpan. QazAqparat - Ortalyq bank resmı qaıta qarjylandyrý mólsherlemesin tómendentse de kommertsııalyq bankter nesıeniń paıyzdyq mólsherlemesin azaıtýǵa asyqpaıdy.
Ulttyq banktiń Basqarma tóraǵasy Grıgorıı Marchenkonyń búgin Almatyda ótkizgen baspasóz máslıhatynda osylaı aıtty.
«Ortalyq bankter resmı qatıa qarjylandyrý mólsherlemesin kóterse, kommertsııalyq bankter nesıeniń paıyzdyq mólsherlemesin dereý ósiredi. Al azaıtqan kezde mundaı jyldamdyq baıqalmaıdy. Bul bizde ǵana emes, álemdegi barlyq elde osyndaı. Qazaqstanda ınflıatsııa deńgeıi aıtarlyqtaı tómendedi endi qarjylyq naryq jaýap qatýy kerek», - dedi G.Marchenko. Bas bankırdiń aıtýynsha, nesıe mólsherlemesi elde endi birtindep tómendeýi kerek. Sondaı-aq depozıt mólsherlemesi de. Eger ınfıatsııa 7,3-7,4 paıyzdyq ortasha kórsetkishten 5-6 paıyzǵa tómendeıtin bolsa, oń ózgeristen tutas el utatyn bolady.
