Elde halyqaralyq deńgeıdegi 24 qonaqúı salynady
ASTANA. KAZINFORM – Qazaqstanda álemdik qonaqúı brendteriniń qatary keńeıtilip jatyr. Aldaǵy jyldary ishinde eldiń 11 óńiri men qalasynda halyqaralyq deńgeıdegi 24 jańa qonaqúı salý josparlanyp otyr.
Kazakh Tourism-niń málimetinshe bul jobalar jeke ınvestıtsııalar esebinen júzege asyrylady.
Halyqaralyq qonaqúı jelileri Qazaqstannyń óńirlerine qyzyǵýshylyq tanytyp otyr. Onyń ishinde týrıstik jáne iskerlik baǵyttar da bar.
- Biz týrıstik ınfraqurylymnyń sapasyn arttyryp, óńirlerdiń týrıstik tartymdylyǵyn kúsheıtý maqsatynda halyqaralyq qonaqúı jelilerimen jumys júrgizip jatyrmyz. Qazaqstanda sapaly ornalastyrý oryndaryna degen suranys turaqty túrde artyp keledi. Bul iskerlik belsendilik pen týrıster sanynyń kóbeıýine baılanysty. Halyqaralyq qonaqúı brendteriniń bolýy servıs standarttaryn arttyryp qana qoımaı, naryqtaǵy básekelestikti de yntalandyrady, — dedi «Kazakh Tourism» UK» AQ basqarma tóraǵasynyń m.a. Danıel Serjanuly.
Qonaq úı naryǵyn damytý ekonomıka úshin týrısterdiń artýynan bastap jańa jumys oryndarynyń ashylýyna jáne bıznestiń keńeıýine deıingi mýltıplıkatıvtik áser beredi.
Aıta ketelik Katonqaraǵaıda qonaqúı tapshylyǵy máselesi ózektiligin joımaı turǵany týraly jazǵan edik.