Elde geologııalyq barlaýda Starlink qyzmetin qoldana bastady
ASTANA. KAZINFORM — «Geologııany tsıfrlandyrý» jobasyn júzege asyrý aıasynda burǵylaý qondyrǵylary men dala lagerlerinde Starlink termınaldary ornatyldy. Bul týraly Ónerkásip jáne qurylys mınıstrliginiń baspasóz qyzmeti habarlady.
Joǵary jyldamdyqtaǵy baılanys arnasy geologııalyq jáne geofızıkalyq úlken derekterdi naqty ýaqytta berý múmkindigin qamtamasyz etti. Sonymen qatar, ol burǵylaý parametrleri men tehnıkanyń jaı-kúıin baqylaýǵa arnalǵan IoT-sensorlardy ıntegratsııalaýǵa, ýchaskege shyqpaı-aq personalǵa qoldaý kórsetýge, sondaı-aq eńbek qaýipsizdigin arttyrýǵa tıimdi jaǵdaı jasamaq.
Qosymsha alańnan beıneaǵyn Jezqazǵan qalasyndaǵy Geologııalyq klasterdiń dıspetcherlik ortalyǵyna jiberilip otyr.
Kazakhmys Barlau burǵylaý qondyrǵylarynyń ınfraqurylymyna spýtnıktik termınaldardy ıntegratsııalaý, geologııalyq barlaýdy tsıfrlandyrý jolyndaǵy strategııalyq qadam. Ol óz kezeginde aqparattyq aǵyndardy úzdiksiz qamtamasyz etip, basqarý tıimdiligin arttyrady, sondaı-aq, jasandy ıntellekt pen úlken derekterdi taldaýdy engizýge platforma qalyptastyrmaq.
Búgingi tańda Kazakhmys Barlau kompanııasynyń barlyq burǵylaý qondyrǵysy ornalasqan jeri men janarmaı deńgeıin baqylaý júıelerimen jabdyqtalǵan. Bul sheshim shyǵyndardy ońtaılandyrý arqyly óziniń ekonomıkalyq tıimdiligin kórsetti.
Tsıfrlyq damý, ınnovatsıalar jáne aeroǵarysh ónerkásibi mınıstrligi men Starlink kelisimi aıasynda spýtnık ınterneti elimizde 2025 jylǵy 13 tamyzdan bastap resmı túrde jumys isteıdi.
Aıta ketelik Starlink Qazaqstanda resmı túrde iske qosyldy.