Elde fermerlerge arnalǵan tikeleı satyp alý baǵdarlamasy bastaldy
ASTANA. KAZINFORM — 19 jeltoqsannan bastap Azyq-túlik kelisimshart korporatsııasy 2025 jylǵy ónimge jatatyn dándi jáne maıly daqyldardy tikeleı satyp alýdy bastaıdy. Bul týraly AShM baspasóz qyzmeti habarlady.
Interventsııalyq baǵdarlama otandyq agrarshylardy qoldaýdyń forvardtyq qarjylandyrýdan keıingi eń suranysqa ıe ekinshi tetigi jáne aýyl sharýashylyǵy ónimin ádil baǵada kepildi ótkizýge múmkindik beredi.
Bıyl satyp alynatyn daqyldardyń tizbesi keńeıtildi. Bıdaı men arpadan bólek, ulttyq operator fermerlerden kúnbaǵys, maıly zyǵyr jáne qaraqumyq qabyldaıdy.
Bul rette bir aýyl sharýashylyǵy óndirýshisi barlyq daqyl túrleri boıynsha jıyntyq kólemde Azyq-túlik kelisimshart korporatsııasyna 3 000 tonnadan artyq ónim tapsyra almaıdy.
QQS-ty eskere otyryp, tikeleı satyp alý baǵdarlamasy boıynsha aldyn ala baǵalar tómendegideı:
- 3-synypty bıdaı (jelimtek 27%+) - 115 000 teńge;
- 3-synypty bıdaı (jelimtek 25%+) - 94 000–96 000 teńge;
- 3-synypty bıdaı (jelimtek 23%+) - 90 000–92 000 teńge;
- 4-synypty bıdaı (jelimtek 18%+) - 78 000 teńge;
- 4-synypty bıdaı (jelimtek 20%+) - 80 000 teńge;
- 5-synypty bıdaı (jelimtek 18%+) - 70 000 teńge;
- 2-synypty arpa (natýrasy 630 g/l) - 78 000 teńge;
- kúnbaǵys (maılylyǵy 40%) - 205 000 teńge;
- kúnbaǵys (maılylyǵy 45%) - 210 000 teńge;
- zyǵyr tuqymy - 215 000 teńge;
- qaraqumyq - 90 000 teńge.
Baǵdarlamaǵa ulttyq operatordyń jáne onyń affılıırlengen tulǵalarynyń barlyq qarjylandyrý quraldary boıynsha qoldanystaǵy nemese uzartylǵan mindettemeleri joq fermerler men agroqurylymdar ǵana qatysa alady.
Aýyl sharýashylyǵy taýar óndirýshi mártebesin rastaý jáne ótinim boıynsha astyqty satyp alý kólemin aıqyndaý úshin áleýetti jetkizýshi 2025 jylǵa arnalǵan «Barlyq jerden aýyl sharýashylyǵy daqyldarynyń jınalýy týraly» anyqtamany jáne ýákiletti memlekettik organ rastaǵan attas esepti usynýy tıis.
Tikeleı satyp alý baǵdarlamasyna qatysýǵa ótinimderdi Azyq-túlik kelisimshart korporatsııasynyń óńirlik ókildikteri qabyldaıdy.
Aıta ketelik astyq eksporttaýshylar jańa ónimin erte jóneltse, 2026 jyly sýbsıdııa alatyny týraly jazǵan edik.