Eńbek naryǵy: jumyspen qamtylǵandardyń eń kóp úlesi qaı salada

ASTANA.KAZINFORM — Jumyspen qamtylǵandardyń eń kóp úlesi saýda (17%), bilim berý (13,4%), ónerkásip (12,5%) jáne aýyl sharýashylyǵy (10,3%) salalarynda baıqaldy. 

— 2025 jyldyń I toqsanynda respýblıka ekonomıkasynyń túrli salalarynda 9 283,5 myń adam jumyspen qamtyldy, onyń ishinde 7 141 myńy (ekonomıkada jumyspen qamtylǵandardyń jalpy sanynyń 76,9%) jaldamaly qyzmetker bolsa, óz betinshe jumyspen qamtylǵandar — 2 142,5 myń adam (ekonomıkada jumyspen qamtylǵandardyń jalpy sanynyń 23,1%), — delingen Ulttyq statıstıka bıýrosy habarlamasynda. 

2024 jylǵy I toqsanmen salystyrǵanda jalpy jumyspen qamtylǵandar 116,2 myń adamǵa ósti, negizinen jaldamaly qyzmetkerler esebinen.

Jumyspen qamtylǵandardyń eń kóp úlesi saýda (17%), bilim berý (13,4%), ónerkásip (12,5%) jáne aýyl sharýashylyǵy (10,3%) salalarynda baıqaldy.

— Jas quramy boıynsha jumyspen qamtylǵan halyqtyń negizgi úlesi 35-44 jas aralyǵynda, bul jumyspen qamtylǵandardyń jalpy sanynyń 28%. Jumyspen qamtylǵandardyń taǵy 40% 29-34 jáne 45-54 jas sanattaryndaǵy jumysshylar, — delingen habarlamada.

Óńirler bólinisinde jaldamaly qyzmetkerler sany Almaty qalasynda eń kóp — 985,8 myń adam, óz betinshe jumyspen qamtylǵan qyzmetkerler boıynsha — Túrkistan jáne Almaty oblystary, tıisinshe 378,2 myń jáne 233,7 myń adamnan.

Aıta ketelik Qazaqstan jumysshy kadrlardy daıarlaýda álemdik deńgeıge shyqty.