Elde elektromobılder 18 myńǵa jýyqtady
ASTANA. KAZINFORM — Іshki ister mınıstrligi elimizde tirkelip jatqan elektromobılder sany turaqty túrde artyp kele jatqanyn málim etti.
— Osy ýqatyqa deıin Qazaqstanda barlyǵy 17 976 elektromobıl tirkeldi, — delingen mınıstrliktiń Kazinform agenttigine bergen jaýabynda.
Aıta keteıik, bıyl aqpan aıynda Qazaqstanda elektromobıl sany 12 myńnan asqan edi.
2024 jylǵy 18 shildede «Qazaqstan Respýblıkasynyń keıbir zańnamalyq aktilerine kólik jáne elektromobılderge arnalǵan ınfraqurylymdy damytý máseleleri boıynsha ózgerister men tolyqtyrýlar engizý týraly» zań qabyldandy. Onda elimizde elektromobılderge arnalǵan ınfraqurylymdy qurý jáne halyqty elektromobılderge kóshýdi yntalandyrý boıynsha normalar eskerilgen. Sondaı-aq, elimizde elektromobılderdi damytý úshin birqatar shara qabyldandy.
Budan buryn habarlanǵandaı, álemde elektromobılderdiń satylymy artyp keledi.
Brıtandyq Rho Motion zertteý kompanııasynyń málimetinshe, 2025 jyldyń alǵashqy alty aıynda elektromobılderdiń jahandyq satylymy byltyrǵy sáıkes kezeńimen salystyrǵanda 28 paıyzǵa ósip, 9,1 mıllıonǵa jetti.