Elde dropperlikke qatysty qylmystyq ister sany aıtarlyqtaı ósken
ASTANA. KAZINFORM — Bıyl Qazaqstanda dropperlikke baılanysty 393 qylmystyq is tirkeldi. Bul týraly QR Bas prokýratýrasynyń Quqyqtyq statıstıka jáne arnaıy esepke alý komıtetiniń tóraǵasynyń orynbasary Erádil Ahmetov málim etti.
Bul ótken jyldyń 53 isimen salystyrǵanda shamamen 7 esege artyq.
— Ótken jyly dropperlikke qatysty 53 qylmystyq is tirkelgen bolatyn. Bul norma engende quqyqtyq praktıka ázirlenip, tájirıbe jınaqtaldy. Al bıyl mehanızm tolyq jumys isteı bastady, — dedi ol.
Sonymen qatar, QR Ádilet vıtse-mınıstri Bekbolat Moldabekov úkimettiń bul máselege jyldam áreket etkenin atap ótti.
— Barlyq jumys toptary tez áreket etti. Biz máseleni zerttep, úlken derekterdi taldadyq. Halyqty alańdatatyn kemshilikterdi qaradyq: krımınaldyq baptardyń bolmaýy nemese qabyldanǵan sharalardyń jeńil bolýy sııaqty. Qazir dropperlikke qatysty qylmystyq jaýapkershilik bar. Bul bolashaqta adamdardyń mundaı áreketke barmaýyna yqpal etedi, — dedi Bekbolat Moldabekov.
Eske sala keteıik, alaıaqtyq jolmen alynǵan qarajatty dropper arqyly aınalymǵa shyǵarý shemasy áshkerelendi.
