Elde dinı nysandardyń qaýipsizdik talaptary qaıta qaralady
ASTANA. KAZINFORM — Qazaqstandaǵy meshitter men shirkeýlerdiń terrorızmge qarsy qorǵanysy kúsheıtilýi múmkin, dep habarlaıdy Kazinform tilshisi.
Qazaqstannyń Mádenıet jáne aqparat mınıstrligi terrorızm turǵysynan osal dinı ǵımarattar men qurylystardy terrorızmge qarsy qorǵaýdy uıymdastyrý jónindegi nusqaýlyqqa ózgerister engizý týraly buıryq jobasyn qoǵamdyq talqylaýǵa shyǵardy.
Qujat 2023 jylǵy 17 shildede qabyldanǵan, dinı qyzmet salasyndaǵy nysandardyń terrorızmge qarsy qorǵalýyn qamtamasyz etý jónindegi nusqaýlyqty bekitken №284-NQ buıryǵyna ózgerister engizýdi kózdeıdi.
Túsindirme materıaldarǵa sáıkes, joba 2026 jylǵy 15 naýryzda ótken respýblıkalyq referendýmda qabyldanǵan Qazaqstan Respýblıkasy Konstıtýtsııasynyń 7-babyna sáıkes qoldanystaǵy normatıvtik-quqyqtyq aktilerdi jańartý maqsatynda ázirlengen.
Mádenıet jáne aqparat mınıstrliginiń málimetinshe, usynylyp otyrǵan ózgerister quqyqtyq sıpatqa ıe jáne eldiń jańartylǵan zańnamasyna sáıkes qoldanystaǵy normalardy ózektendirýge baǵyttalǵan.
Buıryq jobasyn qoǵamdyq talqylaý 2026 jylǵy 15 maýsymǵa deıin «Ashyq NQA» portalynda jalǵasady.
Buǵan deıin elimizde terrorıstik jáne ekstremıstik qylmys jasaǵany úshin 17 adam sottalǵanyn jazǵan bolatynbyz.
