Elde demalý arzan bolý úshin básekelestikti damytý kerek – Kazakh Tourism

ASTANA. KAZINFORM – Elde demalý quny shetelde demalý qunynan aspaýy úshin básekelestikti damytý kerek. Mundaı pikirdi «Kazakh Tourism» UK» AQ Basqarma tóraǵasynyń orynbasary Danıel Serjanuly aıtty. 

«Týrızm naryǵyna kásipkerler kóbirek kelýi úshin ınvestıtsııa qajet. Investıtsııalardyń kelýi qajetti ınfraqurylym jasaýǵa yntalandyrady. Bul qazir mınıstrliktiń de, ákimdikterdiń de jumysynyń basty baǵyty bolyp tabylady. Bul salalyq Tujyrymdamada da jazylǵan. Mysaly, ótken jyly kýrorttyq aımaqtarda ornalasqan týrıstik nysandarǵa aparatyn 200 shaqyrymǵa jýyq jol salyndy. Básekelestik nátıjesinde suranys pen usynystyń teńgerimi bolady, bizdiń halyq kútken deńgeıde baǵalar da, biz kútken sapa da bolady», - dedi spıker OKQ alańynda ótken baspasóz konferentsııasynda.

Sondaı-aq, memlekettik qoldaý sharalary bar, onyń ishinde «Kids Go Free» baǵdarlamasy, qonaq úı salǵan kásipkerge 10% ótemaqy tóleý jáne t. b.