Elde dárilik zattardy tirkeý rásimderin jetildirý jumystary jalǵasyp jatyr
ASTANA. KAZINFORM – Densaýlyq saqtaý mınıstrliginde Qazaqstan Respýblıkasy Prezıdentiniń janyndaǵy Sheteldik ınvestorlar keńesiniń Densaýlyq saqtaý jáne farmatsevtıkalyq ónerkásipti damytý máseleleri jónindegi birlesken jumys tobynyń otyrysy ótti.
Іs-shara Densaýlyq saqtaý mınıstri Aqmaral Álnazarovanyń tóraǵalyǵymen Halyqaralyq farmatsevtıkalyq kompanııalar men vedomstvolyq baǵynysty uıymdar ókilderiniń qatysýymen ótti.
Otyrys barysynda farmatsevtıka salasyn damytýdyń, ınvestıtsııalyq jobalardy iske asyrýdyń jáne sektordyń ınvestıtsııalyq tartymdylyǵyn arttyrý úshin retteýshi ortany jetildirýdiń ózekti máseleleri qaraldy.
Qatysýshylar otandyq ónimdi naryqqa shyǵarýdy jedeldetýge jáne farmatsevtıkalyq óndiristi damytý úshin neǵurlym qolaıly jaǵdaılar jasaýǵa baǵyttalǵan dárilik zattar men medıtsınalyq buıymdardy tirkeý rásimderin jetildirý boıynsha júrgizilip jatqan jumystardy talqylady.
— Densaýlyq saqtaý mınıstrligine Qazaqstandaǵy farmatsevtıka salasynyń yntymaqtastyǵy men qoldaýy úshin alǵys aıtqym keledi. Sheteldik ınvestorlar keńesi janyndaǵy Jumys toby sheńberinde biz memleket, halyqaralyq jáne otandyq farmatsevtıkalyq kompanııalar arasynda ashyq dıalog quryp jatyrmyz. Biz úshin memleket pen ındýstrııanyń biryńǵaı ustanymyn qalyptastyrý jáne oǵan birlesken jumysymyzdyń nátıjesi retinde naqty praktıkalyq sheshimderdi usyný mańyzdy, — dep atap ótti kezdesý barysynda Polpharma Santo («Hımfarm» AQ) kompanııasynyń Bas dırektory Adam Alekseıýk.
Otandyq farmatsevtıka ónerkásibiniń eksporttyq áleýetin talqylaý sheńberinde qazaqstandyq ónimdi syrtqy naryqtarǵa jyljytý tetikterin odan ári jetildirý jáne eksportqa baǵdarlanǵan óndiristerdi damytý úshin qolaıly jaǵdaılar jasaý jónindegi usynystar qaraldy.
Budan basqa, otyrysqa qatysýshylar farmatsevtıkalyq naryqtyń jekelegen segmentterin retteý jáne salanyń tıimdiligin arttyrýǵa jáne básekelestikti yntalandyrýǵa baǵyttalǵan baǵa belgileý tetikterin jetildirý boıynsha júrgizilip jatqan jumystar týraly habardar etildi.
Kezdesý qorytyndysy boıynsha taraptar odan ári syndarly ózara is-qımylǵa daıyndyǵyn rastady jáne Qazaqstan Respýblıkasynyń Densaýlyq saqtaý júıesi men farmatsevtıka ónerkásibin damytý máseleleri boıynsha birlesken jumysty jalǵastyrýǵa ýaǵdalasty.
Aıta ketelik DDSU boljamynsha, 2050 jylǵa qaraı álem halqynyń jartysyna jýyǵy allergııamen betpe-bet kelýi múmkin.
