Elde dárigerler tapshylyǵy azaıdy
ASTANA. KAZINFORM – Qazaqstanda dárigerlerdiń tapshylyǵy 2024 jyldyń qorytyndysy boıynsha 19%-ǵa tómendedi.
- 2024 jyly dárigerlerdiń tapshylyǵy 19%-ǵa - 4 864-ten 3 954 mamanǵa deıin qysqardy, al orta medıtsına qyzmetkerleriniń tapshylyǵy 7%-ǵa, 4 820-dan 4 505-ke deıin tómendedi, - delingen Densaýlyq saqtaý mınıstrliginiń habarlamasynda.
Eń tapshy mamandardyń tiziminde terapevtter, jalpy praktıka dárigerleri, akýsher-gınekologtar, anestezıologtar-reanımatologtar, hırýrgtar men pedıatrlar qalýda.
Densaýlyq saqtaý salasynyń kadrlyq resýrstaryn zańnamalyq deńgeıde bekitý maqsatynda aýylda áleýmettik qoldaý sharalary qabyldandy. Búgingi tańda ótkir tapshy mamandyqtar boıynsha 207 medıtsına qyzmetkerine birjolǵy tólemder júrgizildi.
Sonymen qatar turaqty jumys ornyna kelgen 544 dáriger, onyń ishinde 2024 jylǵy 226 túlek áleýmettik qoldaý sharalaryn aldy. Medıtsına qyzmetkerlerin, onyń sheńberinde 164 myń mamandy quqyqtyq qorǵaý maqsatynda kásibı jaýapkershilikti saqtandyrý týraly zań qabyldandy.
Aıta ketelik byltyr náreste ólim-jitimi 8,3%-ǵa tómendegen edi.