Elde bir gramm altyn qansha turady
ASTANA. KAZINFORM — Baǵaly metaldyń baǵasy bir apta ishinde 4500 teńgeden astamǵa ósti.
Qazaqstan Ulttyq bankiniń 13 tamyzdaǵy málimetine sáıkes, bir gramm altynnyń baǵasy 66 004,73 teńge.
Bir apta buryn baǵaly metaldyń bir gramy 61 444,62 teńge bolǵan. Osylaısha jeti kún ishinde altynnyń baǵasy 4560,11 teńgege ósken.
Aıta keteıik, altynnyń baǵasy mundaı deńgeıge maýsym aıynan beri alǵash ret jetip otyr. Sońǵy ret bir gramm altynnyń quny 66 877,40 teńgege 19 maýsymda jetken. Osydan keıin onyń baǵasy tómendegen edi.
Jalpy Qazaqstanda 2026 jyly altyn baǵasynyń sharyqtaý shegi jyl basynda baıqaldy. 30 qańtarda bir gramm altynnyń quny 89 002,60 teńgege deıin jetken. Al 4 naýryzda altyn baǵasynyń taǵy bir aıtarlyqtaı sharyqtap, bir gramy 84 355,16 teńge boldy.
Sondaı-aq 12 tamyzda álemdik naryqta altyn baǵasy eki aıdan astam ýaqyttaǵy eń joǵary deńgeıge kóterildi. Spot baǵasy 0,9%-ǵa ósip, troıa ýntsııasy úshin 4406,64 dollarǵa jetti. Saýda-sattyq barysynda ósim 1%-dan asty.
13 tamyzda altyn baǵasy eki aıdaǵy maksımýmǵa jaqyn deńgeıde saqtaldy — bir troıa ýntsııasy shamamen 4408 dollar boldy.
