Elde bir gramm altyn qansha turady
ASTANA. KAZINFORM — Altyn baǵasy taıaýdaǵy ósimnen keıin qaıta tústi.
Ulttyq banktiń 21 mamyrdaǵy esebine sáıkes, bir gramm altynnyń baǵasy 68 900,15 teńge boldy.
Bir apta buryn baǵaly metall baǵasynyń bir gramy 71 481,36 teńge bolǵan edi.
Osylaısha bir apta ishinde altyn baǵasy 2 581,21 teńgege tómendedi.
World Gold Council málimetine sáıkes, 2026 jyldyń birinshi toqsanynda álemde altynǵa degen suranys 2%-ǵa artyp, 1 231 tonnaǵa jetken. Baǵanyń kúrt qymbattaýynyń nátıjesinde altynǵa suranystyń jalpy quny $193 mlrd dollar boldy.
Suranystyń artýyna altyn quımalary men monetalarǵa salynǵan ınvestıtsııa áser etti. Atalǵan salada suranys 42%-ǵa artyp, 474 tonnaǵa jetken. Bul toqsan ishindegi ekinshi iri kórsetkishke aınaldy. Altynǵa qyzyǵýshylyq tanytqandar qatarynda Azııa ınvestorlary kósh bastap tur.
Altynnan jasalǵan áshekeı buıymdarǵa suranys 23%-ǵa túsken. Buǵan metaldyń qymbattaýy sebep bolyp otyr. Sonymen qatar álemniń ortalyq bankteri altyn rezervin arttyryp, 4 aıda 244 tonnasyn satyp alǵan.
Aıta ketelik álemdik naryqta da altyn baǵasy joǵary deńgeıde saqtalyp otyr. Sarapshylar muny AQSh pen Iran arasyndaǵy beıbit kelisimge qatysty jańalyqtardyń kútilýimen baılanystyrady.
Aýdarǵan: Darııa Ǵumar
