Elde bir aptada pııaz, qant jáne alma arzandady
ASTANA. KAZINFORM — Qazaqstanda qazan aıynyń alǵashqy aptasynda áleýmettik mańyzy bar azyq-túlik taýarlarynyń birqatary arzandady. Eń kóp arzandaǵan ónim — pııaz. Onyń baǵasy bir aptada 4% tómendedi.
2026 jylǵy 7 qazandaǵy jaǵdaı boıynsha qant 2,6%, alma 1,8%, kartop 1%, sábiz 0,8% arzandady. Balyq baǵasy 0,3%, al qaımaq, et farshy jáne kúrish 0,2% tómendedi.
Sonymen qatar un, nan, súıeksiz sıyr eti, qoı eti jáne taýyq etiniń baǵasy ózgergen joq.
Qaı óńirde azyq-túlik arzandady?
Óńirler arasynda áleýmettik mańyzy bar azyq-túlik taýarlarynyń jalpy baǵasy Atyraýda 0,3%, Túrkistan men Aqtaýda 0,1% tómendedi. Astana, Almaty, Aqtóbe, Jezqazǵan, Qonaev, Pavlodar, Taldyqorǵan jáne Taraz qalalarynda baǵa ótken aptadaǵy deńgeıde qaldy.
Eń arzan pııaz qaı qalada satylyp jatyr?
Qazaqstan boıynsha pııaz kelisiniń ortasha baǵasy 133 teńge boldy. Eń tómen baǵa Taldyqorǵanda tirkeldi — 108 teńge.
Qant kelisiniń ortasha baǵasy 435 teńge boldy. Aqtóbede onyń kelisi 368 teńgeden satyldy.
Almanyń ortasha baǵasy 699 teńge bolsa, Shymkentte onyń kelisin 494 teńgeden alýǵa bolady.
Qııar kelisiniń ortasha baǵasy — 536 teńge. Eń arzan qııar Túrkistanda satyldy — 346 teńge. Tarazda onyń baǵasy 414 teńge boldy.
Aıta keteıik, áleýmettik mańyzy bar azyq-túlik taýarlarynyń baǵasy apta saıyn baqylanady. Olardyń tizbesine 31 túrli azyq-túlik ónimi kiredi.
Eske salaıyq, buǵan deıin elde azyq-túlik baǵasy ekinshi aı qatarynan tómendegenin habarlaǵanbyz.
